اقرأ: لماذا يكتب الأطباء بخط غير مفهوم عند تقديم وصفة الدواء؟

اقرأ: لماذا يكتب الأطباء بخط غير مفهوم عند تقديم وصفة الدواء؟

عقلها واجعها

قصيدة اصاب الكرم

قصيدة اصاب الكرم 

للشاعر

الشوبكي خيرالله امجاور 

 يقول فيها :-

اصاب الكرم والجود كي تدناهم ،،، لابالجفاء يجفوك لاتجفاهم 

تعجبك بهجتهم  ،،، حتى في الكلام تليق سهرايتهم 

جميع الوفاء مايح علي جيهتم ،،، شرابه امنايلة علي مجراهم 

الناتج اللي مفهوم في وصفتهم ،،، انظاف م الشوايب كي نظاف انياهم 

وانكان جاورتهم تانس علي جيرتهم ،،، لاهم اشحان ولو رقيق احداهم 

طبعهم من غادي  ،،، لابخل فيهم لاخرابة نادي 

انصار مد ليد الهم اوخاذ البادي ،،، لاتسال لاتحكي علي مدعاهم 

اللي ويــــن نطريهم ايحيد كسادي ،،، من خيم عشرتهم وطيب الباهم 

وصفهم نشقابه ،،، قابيتهم ديمة اصحاب نقابه 

اللي جارهم واخذ جميع ......... ،،، وواخذ اللا فوق الدلال امعاهم 

وانكان هو اتعب يبقو امعاه تعابه ،،، من كافة اللي مطلوب من يالاهم 

نين بالوفاء ياخذ جميع احسابه ،،، وهم بالسعاده ثابتات اخطاهم 

هذا بيش خلاني بكل صلابه ،،، نحكيلك بلا ناشد علي مدعاهم 

يعجبك طاريهم ،،، ناس بالنخاوه ربنا عاطيهم 

مثبوت بالدلايل مانزيد عليهم ،،، هذا بيش متلوهن علي طاريهم 

اولاني اللي جانح بطمعة فيهم ،،، امغير زينهم ضواء احروف اسماهم 

ناس يفرحوا بالضيف وين ايجيهم ،،، امغير وين ساقنه اخطاه وجاهم .

وشـــــــــــــــــيــش

زاد  وشيش عقلي   من  وشيشه         قبل   ايشوش   توّا   ما   يشوش

قـاشط    صَرع   للعين  المليشه         شين   معــاه     شْلّت   فالنتـوش

جايل   حَرَش    يطرفّا   نشيشه         شَـور اجلوه  كَي  ترمش ارموش

تشقى  وين   تشقى   في  نبيشه         شَـبره   شَـبر     جيّاش  الجيـوش

هي  للحْسن   في   خفة  الريشة         تضحك  ضحك  عيّل  باطربوش

هو   م الشك   ما  يشفى  فتيشه         بيش   ايبش    للـوجه   البشــوش

من   ما  شاف   شبّهله  خَويشه         كَـش  احنوش  في  وَش الاقشوش

هـي   بالنفس    تنظر   للمعيشه         تبّـي   رِيّ    م البرق    الركوش

كَي   الربيع   في  غاية  طفيشه         زَف   الطلع     نــوّار  الحـروش

فيه   اتحمل    في  لعبه  شليشه         وزر  النَفر   من   هَتك  العشوش

هو   ها العيش   ما ينجم  يعيشه         شـايل   وَش   من  شَيل  النعوش

عيشه    جَبر     شايفّا   تفيشه         جوبه  شَحط  في  مَشفَر  اوحوش

جافي  شين  و افجوجه  وحيشه         شـوله  جرب  تشرب  ع الطنوش

عيشة غش  عيشه   ميش عيشه         عيشة  شفش  شالش  فـي اشفوش

حَمقه   فيـه    مقرونه   ابطيشه         كـانت   فَـتح    للعـين   الرعوش

في   جولات    تنتـشّن    نتيشه         منّه   قيس   قَدحه   و   اشلموش

بين  احلام    طابن   في  لبيشه         ساعة   صَفو    جَوّه   م الغبوش

فيـهن   هَـزَ    لفـواد   ابرعيشه         هَـزّة   لَرض   م الغيم   الرشوش

قالت  ويـن    يا  النار الطشيشه         تطرد   بَـرد    كامن   فـ الدبوش

يا  ميعـاد    ترسم   فيه   ريشه         عند  الدار   في   هَيف  امعروش

فيه  البَسط    و  الحجّه  طقيشه         فيه الضحك  مو ضحك امغشوش

بيــن    ايدين    كَسّــار  الغبيشه         كَسـر  الشَـط    للمـوج   اللطـوش

عينه    بين    تذبيله   و  طيشه         تجرح   فـي  اصبـيّي   بالرموش

هفوة ريش   من  طير  العريشه         تلمس   صحن  خَـدّه   بالختــوش

ناض ابشَظّ    يبرم   ع الدشيشه         شَلّ  اشوال  في   عين  الجروش

طْرطش كَي  اطرطيشة  الشيشه         قال  البَـكش     ما هـو   للنكوش

و ايش جنيت  من برشا  شريشه         رَشّت  رَش   و   شتّتا   نشـوش

جَــر   الشوق    دهشّني  دهيشه         شافق  لا اهشوش   و لا انشـوش

شَـد   انتوش    لهوشة   الهبيشه         جابه   شَـد    الشاري   بالقروش

ينهش  نين    يشبع   من  نهيشه         دون  المَـجد     جاير   لا  ينوش

هـذا  بيش    في   جوله  بطيشه         شـاش الشعب   وانشلفن  اعروش

جـاك  الشَلط   شلّي   يا  جهيشه         شـانك   شـان    شـلاّية   الغَـوش

         

قصيدة التوبة

السلام عليكم ورحمة الله

كيف حالكم؟

هذه قصيدة من روائع الشعر السعبي للشاعر الشوبكي خيرالله امجاور، بعنوان التوبه،

يقول :

عندي العقل ماشي في مسيرة توبه،،،واحكاية الخطاء ناسي علي طارية.

وتاركه كما تركة اللي مهلوبه،،،ونادم علي ماصار في بادية.

بصيفتي كبير وسيتي محسوبه،،، والتاريخ مايرحم علي ماضية.

ولا صار مالية ولا مجلوبه،،، وعايش علي هامش حياة وهمية.

ولوالوقت متسقم امعاي هبوبه،،، وصابر بما رايد الله علية.

الله هو اللي دار النظر نمشوبه،،،وفيده اظروف الحي واجالية.

وبرادته ايغير ماعلية صعوبه،،، معا كون له رأفه وله حنية.

طالب رجاه ورحمتة مطلوبه،،، اللي بحكمة يروي الوطاه بمية.

وهي قبل كانت مالجفا مهلوبه،،، من قل المطر لازرع لاشاوية.

عقاب ليل في فترة دفاء محسوبه،،،لاصقع فيها لاارياح قوية.

تراكم عليها مزن ذاب اشبوبه،،، نسومه ايراوح له معا شرقية.

شلاله كما القربه اللي مصبوبه،،، شرابه تقادع فأرض عشراوية.

سحابه بعد ظلم كسا غيبوبه،،،لي زعت شين ولي مطر مرخية.

سيله مخلف في الوطاه اثقوبه،،، اشبوب ساقها بالعرض وجهانية.

اصحاب الشوي جاهم خبر فرحوبه،،،ماصدقوا سمعوا علي طارية.

ناس في الحياة المخلصة ميهوبه،،،كسابة الضأن الطوق وأم حوية.

نزالين في مجبد ايدير انقوبه،،، اسلوك نبتهن طاهق معا بدرية .

ضيف المسا لمة لفا يشقوبه،،،مي اللي عزومتم اتجي مرخية.

بقول مرحبا وفراش يجاروبه،،، وكافة اللي لازم اتجي طرحية.

ماعندهم شي عذر يتقوبه،،، مفهومين من غادي ضنا بيتية.

الواحد ايسدنك امغير اسلوبه،،، نين يسحبك شوره بجاذيبية.

سريبهم ايطول وين مانحكوبه،،، ايريد وقت مانشدة عرب طرقية.

نين نوضح الجيهه اللي مطلوبه،،، ابصيفتي كما مخرج لها القضية.

وامجرب ودارس في الحياة صعوبه،،،ومرافق اجواد الهم اعزوم قوية.

ان كان كيلو مكيالهم يوفوبه،،، ماهم اللي عالحال دنياوية.

ناس يعملو في الخير ويوصوبه،،، اعمالهم لوجه الله ربانية.

اماالعفن لاينفع ولا نشقوبه،،،ولاننزلوا في منزله طرحية.

دافرينة دفرة اللي عدوبه،،، وكيف روحوا داروا عليه الفية.

لجـــواد

السلام عليكم ورحمة الله تعالى وبركاته


نقلت لكم هذا السرد الهائل لكثرة اعجابي به
واتمنى ان ينال اعجابكم و رضاكم والاستفادة
وهو اهداء مني الى جميع اعضاء هذا المنبر الراقي




المولي خلق لجواد رمز الجوده == وخير المكارم في الوجود لجواد

اشتقت كلمة الاجواد في الترات والشعر حالشعبي من كلمة الجود ويقول الشيخ (الطاهر الزوي)

رحمه الله في مختار القاموس ( الجواد =السخي وتجمع اجواد واجاويد والجود بفتح الجيم

المطر الغزير وعين جؤود كتيرة الدمع اما في القاموس الرائد ( لجبران مسعود) فان الاجواد
هي الاكرام وتجمع اجاويد

لكن كلمة (لجواد) في العاميه الليبيه تعني اكتر من دلك بكتير فهي كلمه جامعه لكل خصال الخير

وهي ليست الكرم ومايدور في فلكه بل هي تعني فيما تعني كل من يجود بماله ويحسن الي جاره

ولا يقابل الاساءه وقد يقاابلها في العربيه كلمة الخيرين الطيبين دوي النخوه والشهامه فالجود

بحر لاساحل له ولاتحده معان ملموسه بل هو الخير كله

يقول (الحسن بن مطير ) في رتائه (لمعن بن زائده) وهو رجل ععرف بالكرم والجود وقد

رتاه الكتير من الشعراء

الما علي معن وقولا للقبره === سقتك الغوادي مربعا تم مربعا

فيا قبر معن انت ااول ححفرة=== من الارض خطت للسماحة مضجعا

ويا قبر معن كيف واريت جوده=== وقد كان منه البر والبحر مترعا

بلي قد وسعت الجود والجود ميت === ولوكان حيا ضقت حتي تصدعا

فتي عيش في معروفه بعد موته === كما كان بعد السيل مجراه مرتعا

ولان الاجواد هم اهل الجود واصحاب المفاخر والشهامه والنخوه والشجاعه

واغاتة الملهوف والوفاء والعفو عند المقدره والحلم فان االاسلام الحنيف عندما

اشرقت شمسه علي الجزيره العربيه جب كل ما قبله الا هده المكارم والخصال

الحميده فابقي عليها وحسن بعضها وحرم كل مدموم لا يثصل بها وقد قال الرسول

عليه الف صلاة وتسليم (المرء علي دين خليله فلينضر احدكم من يخالل )

وفي الاجواديقول ايضا (ان من الناس مفاتيح للخير ومغالق للشر وان من الناس

مفاتيح مفاتيح للخير مفاتيح للشر مغاليق للخير فطوبي لمن جعل الله مفاتيح الالخير

علي يديه وويل لمن جعل الله مفاتيح الشر علي يديه

فالاجواد هم مفاتيح الخير

هده ادا صفات الخيرين المتقين حيث يثبين لنا ان لجواد هم اهل البر كما دكرهم الله سبحانه

وتعالي في كتابه العزيز يقول الله تبارك وتعالي في سورة البقره

(ليس البر ان تولوا وجوهكم قبل المشرق والمغرب ولكن البر من امن بالله واليوم الاخر والملائكة

والكتاب والنبيين واتي المال علي حبه دوي القربي واليتامي والمساكين وابن السبيل والسائلين

وفي الرقاب اقام الصلاة واتي الزكاة والموفون بعهدهم وادا عاهدو والصابرين في الباساء

والضراء وحين الباس اولئك الذين صدقوا واولئك هم المتقون)

والجود ايضا هو السعي مع صاحب الحق لاسترداد حقه وهو الجود بالوقت والراحه في سبيل

نصرة المظلوم واغاتة الملهوف وهو مع هدا الجود بالنفس لان الشجاعة من الجود يقول الشاعر

(يجود بالنفس ان ضن البخيل بها === والجود بالنفس اقصي عاية الجود)

ويقول الرسول عليه الصلاة والسلام

(ان الله كريم يحب الكرماء يحب معالي الاخلاق ويكره سفاسفها)

ومتلما تتسابق االشعراء علي ابواب لجواد فان

(لجواد) يتسابقون علي توريت اعقابهم هده المكارم ولعل المتل الشعبي يؤكد دلك

(اختار لضناك خال)
كما يشير الي هدا المعني لشاعر محمود احميده ابومنيار اد يقول في احدي قصائده

وخلي خلاطك دوم في اطوال العنا === يقولو اختار الخال للجدعان

اما الشاعر ابراهيم عامر الزوي رحمه الله فانه يقول

عيالك اختارلهم ضني حنتهم === الانسان قبل مايربط يعد الحله

ولان العرق دساس و ( السيل له جره)

كما يقول الشاعر الشعبي ( عبد السلام بو جلاوي)

لجواد عرقهم حتي ان صارت جفه == يطول ف التري يصمد زمان طويل

السيل جرته في الارض ما اتخفي === وخلفة خيار الناس جرة سيل

وتمة قذاره تقول

اللي بني يعرض الساس ويرص الحجر شغل قوه

واللي عرف يعرف الناس اهل الشرف والمروه

وقد وردت كلمة لجواد في التراث الشعبي بصيغة الجمع ولا توجد ببصيغة المفرد

بل ان المفرد اشتق اسمه منهم فنقول ولد لجواد او اجوادي او بنت الاجواد نسبة الي الجمع

وقد ترد بالفاظ اخري تحمل تحمل نفس االمعني متل الاجاويد والمسامي والسمايا حيث وردت

هده المسميات في اكتر من من اتر شعري متل مادكره رجب بو حويش المنفي رحمه الله

في قصيدته الشهيره مابي مرض عندما قال ( مابي مرض غير فقد المسامي)

وعكس لجواد في الفقه الشعبي هو الاندال او الالياش كما تقال في جنوب وغرب ليبيا

والترات لم يغفل دكر الاجواد والخيرين فجعلهم قبلة الانضار والاسماع وعند مناقبهم وخصالهم

بل جعل الجواد واهله اساس الملك والرفعه في اي مجتمع فقيل

الجيده والجود ولجواد == تلات انداد === عمار بلاد === ان غابن عنها غاب الزاد

ولكن ماهي صفات الاجواد في الترات الشعبي ؟ يقول الشاعر عبد السلام بوجلاوي

امواير ولد الاجواد لك نوصفها == ان كان رافقك تلقي عليه دليل

وماهو الدليل ؟؟؟

ان حدت صدق وان كان عاهد وفي === ويشيل الصلايب فوق حمل تقيل

وان فيها برم بسياسته نصفي === وان خاضت وحاست حوسة البنتيل

تم مادا؟؟؟

لجواد في الكروب تبان بمواقفها == منين المعلق في نهار الشيل

معلاقه رقيق يطيح وين اتهفا === ان تمت الريح امصادره الرحيل

شديد عزم لايضعف ولا ايتهفا === ويصمد امام الدايلين يديل

وان دل لايحقد ولا يشفي === ويرحم ان جاه عزيز قوم ذليل

اما الشاعر لبعج بو عدوان رحمه الله فانه يصفهم قائلا

روس العرب هابه علي موالهم=== منين المعلق في نهار الشيل

اتقال في وجوه الخيل يموح اتقالهم=== يزابو علي لفخار راغب رغيبهم

واللي طاح شالوه وقتا اومالهم === في توامج النيران امصبي سبيبهم

وساعة ادراه الكبد يرسن اتقالهم === وقنو العدو مهدود من تصلبيبهم

وان قالو معاك اقوال يوفن اقوالهم === وروس العرب ممنون من طيب طيبهم

ويصفهم الشاعر فرج الشيخي في قصيده طويله منها

لو تتنتصح تسمع كلام الفاهم === وتاخد خبر الاجواد وموايرهم

اللي وين ما تبقي نزيل احداهم === تعيش في دلال وبالفخر تدكرهم

طعامة الخايف وين قاصد جاهم === وقولة يساره حجة اصغيرهم

ويحمو الخايف وين جا لجباهم === فزاعه ايفكوا الواعره موعرهم

علي اتر العصر ربي الجود عطاهم === علي كل حد صاعب اخشوش بحرهم

وفي قصيده رائعه الشهير حسن لقطع يقول

لو متت ما نرضي اوصاف زهيده === لجواد خيبولي كل نوع انريده

بحساب يوم رفقتهم سنين عديده === ورفقة الذيليه نهار اتشيب

بينهم مسافه واسعه وبعيده === الزينين للعفنين وايش ايجيب

لجواد لا رقيق النق نق غريده === اسباع الخلا منهم الناس اتريب

لا يبخلو لا يركبو القعيده ==== ايعيربك اللي منهم اتقول اعطيب

وفي قصيده اخري لنفس الشاعر اخترت منها هدا الدعا لهم

لجواد ما تريد تدوم خبت اخباتهم === مرض ايام يشافا اخري ينزاح

هون من ايهونهم وما يعتنيبهم === هانه علي هانه وقل ارباح

وبلغ مقاصدهم وقوي نصيبهم === بجاه من مع وحوش الخلا سياح

وفي هدا الصدد يقول الشاعر الشعبي عبد الله بن الروين

اتجيبن كبير الشان يابطون النسا === وتجيبن اكبار النفس والحمال

واتجيبن شداد النفس وابطال الوغي === ويحامو اللي خايف بكل افعال

واتجيبن تريس اسماح شيمتها الوفا=== وف الضيق تلقاهم ان ضاق الحال

واتجيبن اللي جياب لفخا ر والتنا === وحمول فوق من حمله الهن شيال

واتجيبن اجواد صحيح ماهم للغبا === شبيه بضنا شيحه اولاد هلال

وحتي في المنام ان جوك يلفالك زها === لجواد عز ما بعد لجواد رجال

ان غابو يغيب الخير ويغيب الهنا === الدنيا بلاهم طعما يبسال

ولولا ضنا الاجواد شيالة العنا === ما بالمحاسن تنظرب الامتال




*********************************




واليكم مجموعه من القصائد التي تتحدت عن الاجواد

***الشاعر الغناي اغنيه الورفلي مع مشاركة الشاعر عبد السلام بوجلاوي ***




اكحيله والخيل والاجواد*** تلات انداد *** بلاهن ما يعمر ميعاد

اكحيله والناس الزينين=== اصحاب التاريخ المشهور

اللي عالسيه دارايين === بحرهم ماهو كي لبحور

لهم م الماضي ساس متين=== لعازات الدنيا مديور

عرب للومه عدادين === نباهم واصل كل برور

عرب ما تنقاس بلخرين=== اللي عفنين حشا الحضور

عرب ما تفتن بين اتنين=== ولاشهدو بشهايد زور

عرق ديما نطريهم وين=== عليا وين الكيل يجور

بقولة ديما نزالين=== العافي هداك المبدور

بقولة ديما كسابين=== لميل ادراها درم الزور

بقولة ديما فكاكين=== لها م اللي جاها ع الفور

بقولة ديما ركابين=== علي الكوت الجاظي النكور

بقولة ديما عزاميين=== يجودوا والعامات شرور

بقولة ديما منغومين*** بها الامجاد***عليهم لازمني ملهاد

اووينهو قابل غيم خمود === او وينهو علم دار دراع

او وينهو زامن فيه رعود=== او وينهو والبارق شكاع

او وينهو عز بنات القود=== او وينه جا سيله دفاع

او وينهو دار النجع حشود=== او وينهو لموا بالاجماع

او وينهو رايدهم ميجود === يبوع تبويع البواع

اووينهو شد علي مغدود === او وينهو له ما حوته طاع

او وينهو في اليوم المبعود === او وينهو صار معاه وداع

او وينهو لبا هود بهود=== او وينهو بوج علي القعقاع

او وينهو خضر فيه العود=== او وينهو بات السعي شباع

او وينهو له خبره وقصود === او وينهو والمنبوت انواعا

او وينهو رد عليه اردود=== او وينهو مشواره ما ضاع

او وينهو جاب خبر ميكود=== او وينهو قال الوطن ارجاع

او وينهو مالاشي حيدود=== او وينهو مصياف ومرباع

او وينهو راحلهم في القود === او وينهو جابنهم الاوساع

او وينهو مدوا فيه مدود ** مع لسناد**بمال مبجد مالا احداد



**** مشاركة الشاعر عبدالسلا م بوجلاوي *****




الجوده والجود ولجواد** تلات انداد ** عمار بلاد** ان غابن عنها غاب الزاد


الجيد والقود ولشراف === عمار بلاد صحيح وند

لميضوعه مالي خلاف === اللي طالب من شوري رد

تكامل في كلمات اظراف=== المعني مو خوفي من حد

لهن ما عندي ما ينظاف=== معاه علي صدقه شاهد

امضاي نحطه باااعتراف=== بقولي ما قال نيكد

خلق مولاي الناس اصناف=== جعلهم كيف اصباع اليد

خلق في لطباع احتلاف=== اجواد وديلين هبد

خلق فيها مامن عكلاف=== ان جاك يجيك معاه نكد

خلق مامن خايب دلاف=== عليه السيه ما تنعد

خلق ناس الشايف لاشاف === لهم في حاجة له تمتد

نياهم طايل كل اعراف === الزين الهم فيه عوايد

لهم في الجوده موش اقطاف=== فرسهم م الوالد للجد

اجواد يجودو كيف الكاف=== ينفض والحاله تشتد

كرم موش اتفخفيخ انغاف === استغغنن في هالجدايد

ولاسارق م الحبسه خاف=== يبزعق في المال يبدد

سرق مجهود اوحود اضعاف=== اربح فيه وهو متبرد

طرق خوجه لجواد انظاف=== لهم جابوها جري وكد

فلاحه ورعاية معكاف=== عرب موش استغلال لحد

الشاعر يسمي قطاف=== اللي ما لجواد يمجد

عليهم كم شاعر دراف=== مستف بالقول قصايد

متيل ابراهيم وجلغاف=== ولقطع والطالب خالد

وعون ومتولي واحفاف=== وهيبه والبنكه وحمد

الشاعر للخيره شراف=== نباه بمو فاعل يصعد

وتاني في الكربه صاداف=== الخير لمن داره يرتد

مسجله من غير املاف=== رصيد وله فيه فوايد

نهارا فيه العالم طاف=== بصراط ونار توقد

يلاقي لذنوبه خفاف=== ديون سواياه ايسدد

لوزنه يمحي عشر اضعاف=== علل في قول الله اوجد

ان درته لحسابك ينضاف=== علي دوره نفسك عود

ولاخر لصحابه شفشاف === علي فعل الشر تباعد

معدي صيوره خراف=== الحال اللي فيه محود

تجيبه ويزول ويخلاف=== المال يفارق ويعاود

وسخ فيدك جايز يننظاف=== وعمرك لو طال يحودد

الزين بمو داير يوصاف=== بعد موت افعاله تقعد

الذيلي من ساعة ماجاف=== الناس علي مدعاه تسد

يشيلوه بلوحه والحاف=== ومارته مو متشهد

يجيبوه لحفرة الاوقاف=== الحاضر فوقه رمل ايهد

بعد واشونه ما ينهاف=== عليه الا امه والوالد

بعكس الديلي في الاوصاف=== الزين اوصاافه يا ناشد

ان مات علي عشرات الالاف=== يبنن فاهق ما ينسد

الزين علي القاصر عطاف=== بما يملك فيه يساعد

يريده من جاع ومن هاف=== اجوادي للطايح مسند

ولد زين لمن مو خلاف=== وبات لمن باته فاقد

كما منهل عامر زغراف=== سماء في الطيب وجودة عد

تجيب شرابه بالغراف=== ابطول ايدك من غير قلد

وان مات زمانه مو حساف=== الباري عالعازه يحمد

بطاعة للمولي ولطاف=== يقول ارضيت بمو رايد

حشا مو شكاي وصفصاف === ان كان زمانه ما ساعد

الزين ايمانه بالرواف === قوي لايضعف لايرتد

ان جيته شاهد مو لفاف === معاك بموناضر يشهد

وهو بين ايدين السياف=== الحق يقولهه ما يجحد

علي طاري لجواد ارياف=== نرايف لشكار نجدد

لهم دوم بقولي وصاف=== بزين ولندال نهدد

العفنين زقيبه كرناف=== افراع تساقط ما تنشد

الديلي ماجن عام جفاف=== مسكر ما يسقي وارد

ولا في مطلاقه مصياف===وطاته طقوها بعمد

الذيلي ضيه حوله لاف=== ضوا دوب ارجاله وقد

الزين قوي نوره كشاف=== علي ناحيته عد وبد

حمول علي حمله نساف=== ولاخر في حمله كايد

الديلي من نظره ينعاف=== عليه بلوصاف تنقد

مغير انصابه لجل اهداف=== ان زان الذيلي واجيود

علل واضح مااني كولاف=== ولا في الاحوال نقيد

ولاني للواقع حرااف=== علي قول الحق نعاند

ضرور ننهي به المطاف=== كلام العفنين يبغدد

ودوم مع الخيره وقاف=== بقولي لكفاهم رداد

بجاه اللي ع الكعبه طاف === اقريب والعفنين ابعاد

الجيده والقود والاجواد **تلات انداد **عمار بلاد** عمار بلاد **ان غابن عنها غاب الزاد



*** الشاعر ابريك ابريدان ***





لجواد هم ضنا لجواد ساعة اخطارهم=== ولجواد هم ضنا لجواد واحد جفيلهم

لجواد هم ضنا لجواد وافي اعبارهم === لجواد هم ضنا لجواد واجد قليلهم

لواد هم ضنا لجواد واعر حقارهم === لجواد هم ضنا لجواد مايل عديلهم

ان كان جيثهم بالشر حامي حجارهم===وان كان جيتتهم بالخير بيدك تشيلهم

لجواد هم ضنا لجواد تشرب ابيارهم=== ولجواد هم ضنا لجواد زايط نزيلهم

ولا يسكرو بالحرت في مصدارهم=== ولا بالحديد يسكروه سبيلهم

لجواد هم ضنا لجواد مامن جارهم=== ولاينهلب في الدار ساعة رحيلهم

ولايغيروا وقت الكلال اصبارهم === يلبوا اطلابك قبل ما تشتكيلهم

والجوده بعد الاوايل هده كارهم=== وان كان انظرووك ايجوك لا توميلهم

لجواد هم ضنا الاجواد يندوا كبارهم=== لجواد هم ضنا لجواد يسخوا عويلهم

لجواد هم ضنا الاجواد يسعد مزارهم=== مسمح منازلهم ومسمح خيلهم

وخير من اخيار الناس دوم اخيارهم=== وخير من هبيل الناس حتي هبيلهم

لجواد هم ضنا لجواد ساعة ابكارهم== بفاتحة كتاب الله يبدوه قيلهم

بدارهم خصب في لرض كتر بدارهم=== نين في اطراف الوطن تلقي قصيلهم

ويالله لاتطفي زها نوارهم=== ويالله وصل بالتبات وصيلهم

ختام الكلام الطيبين اسرارهم=== الصلاه عالرسول الطيبين دليلهم


*** الشاعر عبد الله بن الروين ***




لجواد خير م الياقوت والماس والذهب ===لجواد ديما صرف كل زمان

لجواد علاهم الباري ع العرب === تعلاية صقوره فوق غيم امزان

ولجواد في وقت الشدايد تنحسب === بالجود والكرم والصدق والامان

ولجواد مدكورين حتي في الكتب=== عز الرفيق وعز للجيران

وان عاتبتهم باللوم خافو م العتب=== الطيبه عليهم في الوجوه تبان

وان دانيتهم تلقاه دنواهم طرب === وكيف يقربوك لقربهم تطمان

لاتخاف لاتنهاس لاتنظر تعب=== لايصغروك بعيب لاتنهان

ولجواد عز للمكروب وقتا ينكرب === يهونوا افداهم ارواحهم لتمان

ولجواد لليتامي والفقارا والغرب=== ربياة علي طيب وشرف واحسان

وكيفما يجود نخيل باتمار الرطب=== يجودوا علي المسايل بلا منان

وحتي في سنين القحط وسنين الجدب === ما بمالهم بخلو علي جيعان

ولجواد كيف شراب( منهل بلغرب )===غزير جمهم ماينزحه ارشفان

خلقهم الله الخير يبقوله سبب=== عقول يكرهن في الزور والبهتان

اصحاب النخاوه والزين والحسب=== معيشه بلاهم وضعها تعبان

لهم صيت عالي ديما منتصب === نصبة الرايه فوق م البنيان

حشاهم البطاله لهم ما تنحسب=== لهم بينهم ماعندهاش مكان

بناية وسيع الجال مردوع الكرب=== اللي فيه للطرقي ذرا واحسان

ولجواد وين الوطن وزره ينكرب=== يجيبوا افخاره ينطروا فرسان

ويجودو منين الحرب ناره تلتهب === يردوا الكيد بكيد في الميدان

لجواد هم خير م الياقوت والماس والدهب=== لجواد ديما صرف كل زمان


**** الشاعر شاكر الهوني ****




لجواد عندهم عندي اقدار عضيمه === ولندال مالهم عندي شرف لاقيمه

لجواد عندهم عندي اقدار بزايد === لجواد اصل ماهم ملمدين لمايد

لجواد وين ما تمشي نباهم شايد=== لجواد جودهم كيف السحاب وغيمه

لجواد هم عمار الوطن ربي رايد=== عطاهم المولي من ارزاق نعيمه

الكلام وين مايسرح عليهم عايد=== ان غاب ذكرهم راي الافكار عديمه

ولنذال كيف ترقيعة التوب البايد === مغير مضيعه كان الهدوم قديمه

ولنذال ما يعيشو بغير سنايد=== لاعرق يندي لاعقول فهيمه

ولنذال من وراهم ماتنال افوايد === تقال دم منطقهم مخالف ديمه

بيعهم معوض والاتمان زهايد === خير من ندام يركبوك جريمه

لجواد جود وهمه === لجواد جلاية ضبااب الهمه

لجواد صوت في الميعاد دوم مسمي === لجواد في الشدايد يملكوا الغريمه

لجواد في النوايب توب ضافي كمه === ولاعندهم ختله ولا تبريمه

لجواد عهددهم واجب ولازم تمه === ولا من اصحاب الفتن لا النميمه

لجواد فكر كلمتهم الشمل تلمه=== حلالة المشاكل والعقول حكيمه

داري ولد الاجواد راك اتدمه=== لجواد هم شعاع الفجر في التجهيمه

ينشا ولدهم والكرم في دمه === مع رفقته تعرف امور عضيمه

لجواد جودهم منهل غزير الجمه === لجواد ورد يعجب منضره ونسيمه

والانذال رفقتهم تسبب غمه==== ويقل النضر وتسيرله تعتيمه

خبيث طبعهم فيهم اقلال الذمه === وفيهم اللي في وجوهم تظليمه

وفيهم اللي ع الناس فاتح فمه=== وداير ولد الاجواد دوم خصيمه

ومنهم اللي ماله غلب في ظمه=== وان كانك قصدته تصيرلك تنديمه

يرجف ان جاك تول واخد حمي === شحاح نفس مافيهم قلوب رحيمه

لجواد ما ننساهم === لجواد جودهم رافع لفوق نباهم

عليهم كلامي حبس ما يخطاهم=== لجواد وجه باسم واليدين كريمه

لجواد يعزموا ويشاركوك عشاهم === يجودوا بما موجود في التقديمه

لجواد يعجبك تخطيطهم وارياهم=== ولا يظلموا لا لغير يرضوا ضيممه

ان جيث بالمحبه الصافيه تسعاهم=== وان جيث بالخطا تعاود بقلة قيمه

لجواد يا صاحب ان كنت معاهم=== سعيد حط ما ترجع الا بغنيمه

ولنذال مكترهم عددهم تلقاهم === ماعمرهم طقو الطريق سقيمه

كيف التعالب ماكرات انياهم === صحيح وجهه ما يعرفو الحشيمه

ان كان مصلحتهم فيك يا مبهاهم ===خفاف عظم غير انده ايجو خديمه

وفيك يشمتو كانك عقبث وراهم === ولغيرك ايدمو ويشتموك شتيمه

اجعنهم فدالجواد هم وضناهم=== هم يكملوا ولجواد يبقوا ديمه




***الشاعره بدريه الاشهب ***



سلامي علي الاجواد في دار الفنا=== النفس تبلي والمنايا تصيبها

النفس كيف الريح برمه وتنتهي=== والدنيا يالاصحاب من هو حبيبها

الصيت يبقي طول مابقيت سما===والصيت كيف الارض تبقي بطيبها

عنوي علي لجواد شيالة العنا=== اصحاب الفزع يوم تلحم سبيبها

فوق خيل مشريات من سوق البلا=== يميدخن ع النار ساعة لهيبها

مساحات لدموع اليتامي م الصغا=== بجبرة خواطرهم وكسرة طليبها

فرسان كيف النجم ماهم للغبا=== كسارة خشوم جيوش تعبد صليبها

في نجوع مفروشات والعز الكسا=== بصولة فحولتها وحكمة مشيبها

تسمع زفي النار في روس العلا=== فحيح صل متعربد ومالك شطيبها

دليل للدهاب في فاو الخلا=== مناير لدار الجود مقصد غريبها

الكاظمين الغيظ لاصار الخطا=== يعفوا وبالمعروف مردود عيبها

يكرموا الودادات ويردوا الكفا=== ارواحهم فداء لصدور شربوا حليبها

وهن زاد كيف الشمس من ضي ودفا=== بدقرة سوا بالشعر حكمه تجيبها

مبروكه العلاقيه في سنين الكدا === تشبه لخوله يوم فكت سليبها

تشريب تحت الكبد فوق من الكلي=== عنيف ضربها بالياس عيط طبيبها

وفاطمه عتمان في ايام الوغي=== خرابين قالتها وتحدت غضيبها

هجاوة تحط اجواد في قلب السما=== تخسف لسابع ارض تبخس عطيبها

فرسان يحموا الارض ويحامو النسا=== بيوت فكر للجلاس يبدع لبيبها

فاضت عيون الشعر من دكري لها===سيرة ضنا لجواد من يقتدي بها

فاضت عيون الشعر من دكري الها ===قلوب عند دكر الله تسمع وجيبها

انا ليبيه نقول الشعر ونبكي الحا===نرمي معاني القول سهمي يصيبها

صلو علي بو فاطمه اجمل صلاه===شفيعي وشفيعك يوم يوقف حسيبها

يوم الكلام يغيب وتحكي اعضا ===وماغير قول الحق نفسك ربيبها

قدام رب العرش وقفتنا سوا===الفرق فرق النفس واللي يعيبها

صور لمعبد مرقص وشلال رأس الهلال في ليبيا

الجبل الاخضر صور منوعة

أحوال حايلة .

هذه الملحمة (( احوال حايله )) من التراث الليبي الأصيل تسمى (( بملحمة الأحوال )) :- 

شخصيات القصيدة:- 

1- الشيخ محمد زيدان 

2- الشيخ الفضيل المهشهش 

3- الشاعر بو رويلة المعداني 

4- الشيخ عمر بوعوينة 

5- الشاعر حسين الحلافي 

المجاهد الفضيل المهشهش ...إن مسيرة جهاد الأجداد كانت حافلة بالابتلاءات، ولعل ما أصاب الشيخ المجاهد الشاعر الفضيل المهشهش كان أشنع ما وصلني عن أولئك المظلومين. والشيخ الفضيل يعتبر أحد عُمد الجهاد وأركانه، كان من بين شيوخ البدو المتفق على رجاحة عقولهم ومن القلائل الذين حفظوا الكتاب عن ظهر قلب، وجاهد في سبيل الله حق الجهاد. فقد صرف من ماله الخاص على الدور الذي انتصر في معركة بئر بلال (تعرف عند العامة بواقعة الكراهب) عدة أيام، وقاتل قتال الأبطال بدمه وماله، وبعد أن أنفق كل شيء كان في حوزته في سبيل الواجب المقدس مَال عليه الدهر، فقد سقط والده الطاعن في السن برصاصة طائشة غادرة خرجت منه عن طريق الخطأ لتستقر في جوف ذاك العجوز المسكين وتنهي حياته وتبدأ حياة البؤس والندم والبلاء للشيخ الفضيل. ولم يستطع شيخنا أن يتحمل فقدان الوالد والمال والوطن فلجأ إلى مصر، وترك برقة ليستقر به المقام في صعيد مصر وقد أثقلته الهموم حتى إنه سمع بتلك الملحمة الشعرية التي ابتدأها مبتلى آخر وهو الشيخ محمد زيدان يحكي فيها عن مأساة أجدادنا، فأطلق صرخته التي أصبحت من عيون الشعر فقال: 

  

يقول الشيخ (محمد بن زيدان) 

احوال حايله بين المنام وطيبه .. احوال جبدهن للناس فيه الغيبــــه 

احــــوال عجايــــب .. منهن سقيم العقل فكره غايـــــب 

ومنهن رضيع الثدي راسه شايب .. احوال حالهن ما قدرتشى نشكي بيه 

ان شاكيت ما تلقى حذاك حبايـب .. مفيت الشوامت بالخلاف تجيبـــه 

احوال هــــــــوايــل .. احوال حايله بين القدم والجَّايــــل 

احوال سرزهن تحت الشريحه مايل .. احوال بدهن ما عاد فيه نشيبـــه 

طاحن رواويق اللجام دقايـــل .. اندق بالحلق عدي بعيد الصيبــــه 

وطاح الكتاب بدين عصيه نصايـل .. وتفرتك كباس الجلد والتعصيـــه 

احوال خلفن للعاقلين علايـــل .. مرض في الجواجي كادهم تطبيبــه 

مفيت ما الله بيده يدير دلايــــل .. واللى عند ربي فرض ميش صعيبه 

ثم رد الشيخ (الفضيل المهشهش):- 

احوال يبكن .. احوال ع اليمين وع اليسار يتَكَّن 

احوال خلّفن عقْدات ما ينفكن .. باب النجا منهن الله يجيبه 

احوال على المصالح بالفساد تفكَّن .. تفْكاي الطّليب منين دال طليبه 

*** 

احوال تشيب .. احوال حايله دون المنام الطيب 

احوال جبدهن للناس فيه تريب .. احوال ما اتفرزهن منين صيبه 

ان كان هو جفاك اللي حذالك قريب .. وهو حبيب يا صاحب لمن تشكي به 

*** 

احوال حَسوفه .. ما ينتسن لا عند قطْر الصّوفه 

من خاشْ خوك يبقى لك حسودي نوفه .. حلال الجّلا منَّه بعيد تْسيبه 

لا الوذْن تسمع لا العين تشوفه .. خير من مْقاقاتك وجبد سريبه 

*** 

احوال تفارج .. احوال عفْنْهن ع الزَّيْن توا دراج 

احوال خلّفن حتى الحمار يهارج .. في هَيْلعا من خاف من تنييبه 

*** 

ما خاف من تهْريمه .. ولا خاف م الهيْلع يقلّ القيمه 

لا سْبدّْ م الدنيا لها تبْريمه .. ينزل اللى راقي بغير دريبه 

** 

احوال وحالي .. احوال كيدهن ع اللى مقامه عالي 

الجّارح اللي فيه السّْيور مدالي .. لا يقرب الحوزه ولاتمشي به 

*** 

احوال جن في ساعه .. احوال يقلبن كي قلْبْه الزَّعْزاعة 

احوال ركّبن في وطنْنا بوزاعه .. احوال ودّرنّا كل حد في صيبه 

** * 

احوال مشومه .. احوال ما معاهنشي هني في نومه 

احوال حاطات الصقر تحت البومه .. حتى ان فك منها تلحقه وتْجيبه 

*** 

تلحقه وتطقَّه .. عليه طايبه ترميه وين تحقَّه 

ان كان راجعت عطبك عليها نقَّة .. الصقر بوجرس يقدع علي تنسيبه 

*** 

احوال يجدن .. احوال كيف عقدات الجّراد يمدَّن 

احوال يخطرن باشغال ما ينعدن .. حايْزات من دون الحبيب حبيبه 

احوال خمّمن جابن بعيد وردَّن .. على وطن يا ناري اليوم ذهيبه 

حايز بلاداته عدو انسدن .. وكم نفس شرقانه معاه تعيبه 

خلى دموعها فوق الخدود يهدن .. وكل وقت عاطيها ستاك هزيبه . 

فسمع الشيخ (عمر بوعوينه المنفي) ما قاله الشيخ الفضيل فحز ذلك في نفسه، فبعث له هذه الأبيات مواسياً فقال: 

أحوال من شبكهن *** أمغير أطلبه ساهل عليه فككهن 

أن كان هن ذنوب برحمته يتركهن *** وان كان رزق مو واعر عليه يجيبه 

وان كان من جناب الحكم بابك سكن *** حب الرياسة ع العباد مصيبة 

الأيام ديما يا فتي ينعكن *** زال حكم لستانه وهان سريبه 

تد لك النفس مع مسارب تكن *** تحسبهن سماح وهن ظلام وريبه 

ما في الكتب رينا أحوال يبككن *** مفيت ما صهيد النار وتلهليبه 

أذكر كريم الجود لا تتلكن *** وأترك غرار الدهر لا تدوي به 

وبدر بتوبة قبل ما ينصكن أبواب الفرج للي يتوب قريبه.... 

ثم رد الشاعر (حسين الحلافي) 

احــــوال يكـَـــــدَّن .. احوال بالغَرايب كل يوم يجدَّن 

احوال كل باب وكل فَجْوة سَدَّن .. مفيت ما يحنَّ الله عالم غَيْبة 

لَرَانب يدَيْهن للجَّوارح مَــــــدَّن .. وجا السَّبع للقَطًّوس يسْتذْرِي بَه 

عَلَيْه الثعالـــــب صايْلات تعَدَّن .. بْقِي بينهن مَذْلول ماله هَيْبه 

وكـــانَنْ ان تَاوَق من بعيد يردَّن .. مغير زَوْمْتَه ترْبِي عليه الرِّبيه 

احـــوال يعلَّــــــن .. احوال واحْلات ، احوال ما ينْحَلَّن 

اللي يقول فاتَنِّي عليه يــــوَلَّن .. يجدَّن عليه بْشَيّْ مو داري بَه 

يجدن عليه بشي مــــو في باله .. ولا كان في ظنَّه انَّه يَلْفَي له 

لَيَّام ع الْبْنادم يْبرمَنْ بالدَّاله .. ما هْناك يوم ولا وراه طلِيبه 

ما هناك يوم ولا وراه طرِيده .. تْجِيبه بالشّقا ليله هْموم نكيده 

وتجيه بالهَنا ليله افراح سعيده .. الليل والنهار يجَنْ بكل عَجيبه 

الليل والنهار يجَنْ بكل أَوامــر .. يخلَّن اللي مرتاح ديما سامر 

وكم هدّمَن من بيت باهي عامر .. مْبات الجّْلاوي كي الليل يجيبه 

مبات الجلاوي وين عاز مْباته .. وضاقن عْيونه والطريق رماته 

يلاقُّوه يجَّارَوا الكل وَشْناتـــه .. مْلاقاةْ صاحب جا بعَدْ تغْييبه 

اجواد كيف مَولي البيت كي مولاته .. كيف الضّنا في الجُّود كي العَزِيبه 

يبقوا كلهم حضّار في نَدْهاته .. وهو تْقول منهم ما تْطقَّه غِيبه 

راحوا ، وراح البيت وفْراشاته .. وراحوا فراسِينه ، وراح سبيبه 

ما يلتقن تَوّا الا ناياتــــــه .. وجرّةَ نضادِيَّه ، ومَبْروك نِيبه 

احــــوال اشْقَنّـــــا .. بْلِيقه جدِيده كل يوم يجَنَّا 

احوال حوّلَنْ لَسْلام نَيْن غَبَنَّه .. بعَد صوْلته ماعَدْ عَدُو يدْوِي به 

اللي كان فيما فات واخذ طَنَّه .. حَكَم لنْدلس واوطان مِيشْ قريبه 

في قرْطبه واشْبيليا طاعَنَّه .. وياما رفَعْ فيهن الصّوت خطيبه 

وياما حكَمْ فيهن بْنَصّْ السّنه .. وكل من يخالفها السيف نصيبه 

وياما ماكاتِيب الخَليفه جنَّه .. وياما قرَوْهن يرجْفُوا م الهَيْبه 

وياما كسَرْ من جيش كان مْعَنَّى .. وسَيَّب بْـــلاداته جـلا بالخَيْبه 

ما هْناك شِى مطرح ولاخشَّنَّه .. جْيوشه اللي كانَنْ شْوَيْ في طَيْبه 

نين الحَكايم كلهن هابَنّه .. فْرانسا ودولة طاليا الغَضِيبه 

في وطنهن تمَّن كرايس منَّه .. محــــا دِينْهن واطَي مقام صلِيبه 

يشِيلن عَقَاب الليل ما يَرْجَنَّه .. كيف يَعْلمَنْ جَيْشه نزَلْ في الصِيبه 

واللي يريدْها حالاً بْها ياتَنّه .. كيف تصـْــــلْهن منَّه مغير كتِيبه 

خَطَّرها احوال الوقت كيف فْطنَّا .. لْقِينا لْهن بَرْمات وتْشقّلِيبه 

اوقات يبْرمَن لَحوال ويوَاَلنَّا .. واوقات للبْنادم عندهن تغْضيبه 

واوقات يعْكسَن واوقات يَبْقن لنَّا .. وديما لهن ضحْكَه بعَدْ تكْلِيبه 

كَنَيِّب يَبْرَمَنْ ليام ويواتَنَّا .. نمْشُوا لوطنْنا رحمةْ الله قريبه 

بْجَيش ينْطرح سوْقات فوق حْصنّه .. لا يزيدْ لا ينْقصْ الفَيْن كتِيبه 

اللى هذا شوق الحَرْب لهْ يدّنَّي .. حْلاَطه جديد ودْقرْتَه امّ حْرَيْبه 

جميع الذّخايركل وَانْ يجَبنَّه .. ما يعُوزحتي سلك من تُوظِيبه 

نْعَدّوا مْعاهم ما نفَر يسْتَنَّي .. معاجيل سدَّيْنا من التغريبه 

اللي يموت ماو نادم يجي للجَّنه .. الموت سَهْم طايش كل حىّ يصيبه 

واللى يعيش في وطْنَه هَذَاك تهَنَّي .. يعيش حرّ ويحّيدْ دارهْ قلَيْبَه 

وآخر كلامي هذا ما نْتمَنَّي .. وربي كريم ما عَليه صعِيبه 

ثم رد الشاعر (بو رويلة المعداني) 

احوال حايله دون المنام وراحه .. احوال جبْدها للرِّيق فيه كلاحــــه 

كيف منو وارد بِيرْ تاوْ نزاحــه .. وكيف منو واحِي في التّْراب طليبه 

كيف من اصَّدَّر قو خابْ سْلاحه .. تاو النّدَرْ بتْصير له تكذيبـــــه 

*** 

احوال حايله دون المنام ونومه .. احوال جبدها للناس فيه حرومـــه 

كم خصّْ خالى كان علَّوا كومـه .. وكم قصر خلَّاه الزمان زريبــه 

وكم عبد نازل في منازل غُومه .. وكم بَىّْ في حالةْ صغا وهَزيبــــــه  .

بلا سلطانه

بلا سلْطانة 

لا يطِيب نَوم ولا العقل معانا 

ولا نرُوق في قعْدة 

امْغَير انْذَرِّي 

الواجِب اجْحُود ونا تقُول انْــوَرِّي 

ومَيط م الخلايِق مَوش عارِف سرِّي 

يحْسابه تْولْهن بالغَـلا وافْتانــــة 

ولا يحسب الشّاعر فقِيه يقَــرِّي 

ورَا العلم فقْه وكلّ شِي فـي وانـه 

ولَيش يا الدّنيا نامنَوْك اتْغـــرِّي 

بْنا.. تزَخرفيه وتهدْمِيه بْنانـــــا 

وفيه من اللي له ع الزّها تطَّــرِّي 

بعِيد م التّكدِّر تَضْمنَيه ضمانــــة 

من دُون العَرَب تَبْقَي ابْزَود اتْبـرِّي 

فيه بالمنافِع.. تَرفعَي من شانــــه 

وفيه من اللي فيه ابْعَذاب اتمــرِّي 

عَلَي كلّ صايِف مبْتلي بَحْزانـــه 

نَلْقَى انِّك غَرُورَة.. للهلاك اتْجرِّي 

صَيُّورك فناء.. لَكن عَلَل واتانـــا 

من جالا الاَّ مَدْعَى غَلاء في حـِرِّي 

امْضَيِّق اخْلُوق العَين.. جار طنانــا 

حياتي مرَّة 

ورافِع اِيْدَيّ وم الغَلا انْتبَــــرَّى 

الاَّ غَلاك كَي خَيره سوا كَي شَـرَّه 

اَسْباب المرَض منّه.. وفيه دوانـــا 

والعارِف يوَرِّي النّاس ما يتـوَرَّى 

واحْنا دهرْنا عَين العَجَب وَرّانـــا 

يا العَين نا وانْتِي اقْلال مسَـــرَّة 

ودِيمة زماقَة فاقْدِين زهانــــــا 

على اللي وسِيعة عَينها منْقَـــرَّة 

يحُوزِك المَوح وتَيّسِي الحنانـــــة 

اعْزُوم نْدِير 

نقُول ع الجفا نصْبر.. وصبري خَيـر 

من قَيْتّن معازِي كلّ يَوم اتْسِـيـر 

عليهم.. وما فيهم عَـزاء عَزّانـــا 

والمَوت ع الخلايِق كلّ يَوم اتْغِيـر 

وتَاخذ اوْخاذ.. تشِيل للجبّانــــة 

ويدِيرُوا عَزاء واحَد.. وبالتّصْبِيـر 

ينْدارَن اعْزُوم بْفَضل من مَولانـــا 

وفي شْهادْتَك مَوشِي عَدَم تدْبِـيـر 

حَيِّيْن يَرْزقَوا قَولي عليهم: يَانَــــا 

يضِيق البال 

يضَّايَق سما عقلي يجَن شَــــلاّل 

ونَبْقَى نْسَكِّب كَي رقِيق الحــال 

اللي م الكوايِن غَايْبات اَذْهانــــه 

اللي الوَقت غَيَّب له نصِيب رْجـال 

وفاقِد العزّ ومنْزوِي ع الحانــــة 

امْغَير انْكابي 

سواء اوْحَدِي والاّ بَين عَزّ اَصْحابـي 

على امّ المْيام انْهن تقُول خَوابِــي 

لُولا رمِيش الهدب في اشْيلانــــه 

كما بَرق ساسي من بعِيد ينابــي 

ان سَفَّى الغَثِيث وقابْلَن ذرْعانـــه 

انعْكاس بهرْته فَوق السّحاب الدّابِي 

ابْعَكس الشّفاق ابْهرَن في قفْطانــه 

يا امّ الخَجَل مَيّاع ماح مهابـــي 

فَوق م العَواتِق مرْتوِي بدْهانـــه 

اِرْقا معَ السّنَد شَورك ايْمِيح شرَابي 

ان غَيرِك اذْكِر لِي نا نقُول: فلانــة 

عليك بالرّجا ياني كلَيْت شبابــي 

ومازلت نَرْجَى.. كان جاب رجانـا 

يزِيد حَياري 

بعِيد غَوْشَّا.. واَنا بعِيد ادْيـــارِي 

منْشابْها قوِي في الجَّوف غير انْذارِي 

انْسايِس معاه.. انْخاف من دخّانــه 

ايْثَعْبِن.. ويَبْقَن يا عَزِيز مطــارِي 

واللي ما نظَر يَسْمَع يجِيه نبانــــا 

اَرْعَي بداك يا عَيني اَصْحَي تنْهارِي 

بلَوْعة عَزِيز.. ويَسْحرِك دِيوانـــه 

البال يضِيق 

ان جبْدَن مدَاعِي.. والعْزَيم رقِيْـــق 

لْجَور الغَلا والخَوف م التّفْرِيــق 

ونارك اللي عَيني لها بَرْدانـــــة 

وشاطَت معاك الاّ ابْيبْس الرِّيْــق 

ونْخافَوا تْضِيع.. يضِيع فيك شقانــا 

ونَبْقَوا هَتايا والرجا تلْفِيــــق 

وترْقِيعَك البايِد مَوش كَي نْشيَانـــه 

ارْقاق عَزامِي 

ولايِل عَلَي شَيْلة الصَّوت انْمامِـــي 

وها العقل عنْدَك رَاه يا مَو كامِـي 

لا يغِرّ بَك لَوْنه ورخْص اَثْمانـــه 

من ثقْل الظّرُوف وكَيْد جَرْحَاً دامِي 

مَوش م الغَلا.. من جَوْر مَيْل زمانــه 

وحَتَّى اَن ع الغَوالِي خاطرِي متْعامِي 

عليهم ينَوِّح في الخَفا وبيانـــــه 

ومْعاي جَرحّم تحْلِف طعُون كمَامِي 

ارْوِي بالسّمُوم.. وبالسّمُوم اَسْقَانــا 

وان كان الغَلا بُوزِع ابْلَطّ قسَامِـي 

وان كان مَو شرِيف القَصد هِي لِيْهانة 

وان كان الغَلا قَصْده شرِيف يْسَامِي 

الله يْسَامْحه.. طَيِّب ثرَاك امْدانَـــا 

عَزَامِي رَقَّن 

وتَمَّن دمُوعِي فِ الْيباس اِيْسَقَّـــن 

كما سحاب متْكَتِّل عقارِب شَقَّـن 

ادَّاوَن ارْعُوده في هْمُود عَوانــــه 

وتَمَّن معَ لَرْكان فِيه يزقَّــــن 

ارْياحه بخفِّة نَين جا لْمكانـــــه 

وجَا لْغَوْش نَزْلاته ابْخَير اِيْبَقَّــن 

عليه م الجّفاف وزامْقِين هَوانــــا 

وباتَن هَواده ع الصّفُوح يلقَّــن 

اصَّبَّح صيام ينَهّتَن غِيْطانــــــه 

وفَاية اَطْناشَر يَوم فيه ينقَّــــن 

حَسَاس الرّعُود.. وهُو قوِيّ هْطلانـه 

وعاد البْوارِق دُوبْهن ينْحَقَّـــن 

امْقَبِّل ابْغَرب وشَرق في صَحْرانـــا 

وحايا الوطْن الْكِلْ.. اعْرُوقَه دَقَّـن 

وعاد النّما.. واَرْوَى اللي عَطْشانــة 

وكَيْما اَوْطان لْرَحمْته يعْتَقَّـــن 

وفَرَّجْ عليهم رَبّنا سبْحانـــــه 

لَنْظار يطلْبَن فَضْلَه.. وبه يتَّقَّــن 

ما نخْتشِي م الناس في اشْحتانــــه 

انْعَن له قسامِي في عَزِيز اِيْطقَّــن 

اللي كَيفْنا ذايِح ورا حبّانـــــه 

بلا سلْطانة 

لا يطِيب نَوم ولا العقل معانا 

ولا نرُوق في قعْدة