إدريس سعيد إدريس الشيخي في سطور

       

صورة
توفي الشاعر المعروف إدريس سعيد إدريس الشيخي عن عمر يناهز الـ(66) عاماً في مدينة البيضاء في يوم عيد الأضحى المبارك بتاريخ 16-11-2010م .. ولد الفقيد في مدينة اجدابيا عام 1944م وهو من قبيلة أولاد الشيخ،، انتقل إلى مدينة البيضاء عام 1953م وعمره (9) سنوات وعاش أغلب حياته في البادية جنوب منطقة الجبل الأخضر (( اسلنطة - جردس - تنملو- الثعبان - البلط ...إلخ )) مع قبيلة البراعصة وتزوج منهم وكانوا يعتبرونه أحد أفرادهم ويكنون له كل الاحترام وقال فيهم العديد من الأشعار وعشق الشاعر الفقيد الصحراء ورحلات الصيد كما في أغلب أشعاره. وعرف الشاعر الفقيد بالعفة والكرامة بالرغم من قلة امكانياته المادية حيث تركزت معظم أشعاره عن الصبر على الفقر والاتكال على الله سبحانه وتعالى ....
ومن روائع أبياته على الصبر:
الصبر زين ياصالح دوا للعلا ...............والموت لاحقه على الخلق كلا كلا
عليش اتكابى ومغير منزوي وتقول ياغيابي...........للموت كلهم هلي أحذاك مصابي
ومايدوم فلدنيا الا وجه الله والموت غايره فلى ..بعيد أترابى اوقات تعصرا قبلاً ايطول أمحلا
أما عن العفة فكانت بعض أبياته:
يا العقل رزقك مو على مخلوق ***على أللى بريحه فـ السحاب إيسوق
عليه أتكالك **ويقدر إيحقّق كلّ ما في بالك
مااتطول م الدنيا أمغير أعمالك** عليك بالقنَع راهو الطمع خزوق
أمعيشة الدنيا موش كي يحلاَلك** مرّات تمتلى مرّه أتجي لقلوق
ماعليه مكيده **عظيم شان يفعل كلّ شيّ إيريده
أما عن الكرامة فقال الشاعر الفقيد:
سارح مع مية جرام كرامة خايف عليهن م الدهر وأيامه...
*نراعى فيهن خايف يضيعن وين ما نرخيهن...
نوالف مع التمويل ونداجيهن...كي تلد شارفهن أتجيب توامه...
وفيها نصيب حليب و تربيهن...يروى جنينها لعند يوم فطامه...
ليام كيف تقدعهن علي ماضيهن...تلقاهن يدورن ريحهن برامه...
أوقات يضكنلك نين تزها بيهن...وأوقات ما يلدن أمغير ندامة...
*من واجبي نرعاهن يا صاحبي ما اردى الحياه بلاهن ...
عندي زريبه فالبساط حذاهن ...خير من قصور مشيده بفخامه
إلخ إلى آخر القصيدة التي فيها عبرة



ومن أشهر قصائد الشاعر الفقيد قصيدة:
يا صاحبي ودّي معاك انخرّف مليان خاطري مليت غدير امطرّف
أعقيل اعطيب ما تجيه غير اللي الراس اتشيب ..
اللي توزنه ميزان موش قريب ..ويطلع عطيب معاه كي تصرف…
لاترافقه لا عد يجيك احبيب..من حاشن عمل روحه خويل امترف…
يا ما فقدنا من رفيق يخيب..كريم وجه يندى مو عطيب امجرف..
أنريد حكايه اتحيد جضار العقل حال الغايه..
وانجيب البعيد قريب في سهرايه..وتسمع جديد معا سهاري شرف…
ميط م العرب ما يعرفوا معنايا..وجملة سهاريهم العقل اتقرف…
لا انريدهم لا يقعدوا يالايا..ديما معاهم ع الخطا نشرف…
ولا ينهضوك ولا بهم عينايه ..كيف النعاج الراكه الهكرف…
نا ديرتي مصلوبة بعيد م العرب كاتف عليه شبوبه..
فوق م الطواري عبرته مكبوبه..مليان نين لجالته يذرف..
لا روده رايد علي مركوبه ..ولا جاه وارد بالقداحه غرف..
من قل الماسك حومته مهلوبه..في وطن خالي ما عليه اتعرف..
نريد سهاري في وطن منبوته رتم وجداري..
وتلقا العزيب معا محاس حباري..في رق ساهل موش حيط حجرف..
ويبقى عليك الزول مو متواري..بطول النظر فوق السراب امحرف..
هاناك يبقى منعدل مشواري..و تاخذ سهاري في جواب امزرف
ومن روائعه الخالدة ايضاً حواره مع البئر الذي اصبح مهجوراً فيقول:
يا معطن ما جاتك ولا عطشانه
الشاعر:
يا معطن ما جاتك ولا عطشانه أيام قبل من حوضك مشت ريانه,,
يا المهول أحكيلي علي مدعا زمانك لول ,,
ما من اذواد و من تريس امجول ,اللي سوقهم ثوبك رسم دنانه,,
واليوم منتهي سايب كسادك طول,وحوضك العالي هدموا سيسانه,,
الدايم المولى كل شي يحول ,كيف تنتهي مدة أيام زمانه,,,,,,
يرد البئر:
يا طول ما حرسوني وخذوا ليلهم سمار ما تركوني,,
وجوه الجهيم بسعيهم فازوني,,وهالحوض يضايق معا دعكانه,,
(الدنيا قليلة خير يامضنوني),, واللي حي باين ربنا سبحانه,,,,,
اللي يعرفوني ويعرفوا قانوني ,, ان ماهم كبار رقود ف الجبانه,,
الشاعر:
ما من شوي وركيب عليك دوردن نين النهار يغيب,,
ومنك نون مصدار خالي طيب,,وعدت كحيلة زاكمة طربانه,,
وخشت بساط بعيد موش قريب,,جلايب ,جلايب يلعبن غزلانه,,
لمباكر صلاة الصبح يا الحبيب,,تنوش صيت بوعسكر معا شطبانه,,
يرد البئر:
خلي معطاني وفاقد جماعة يعرفوا قمداني,,
تريس ينفعوا عاشوا علي سقياني,,افراجهم اتجيب الساقية مليانه,,
صدر سعيهم مني علي غيطاني,, مالصيف لولي حايل علي عيدانه,,
تنظر كحيله في سراب مداني,,,مراكب علي مالح قوي طفرانه,,,,
من حاشن مشوا ماعاد واحد جاني,,وترك الحبايب للحبيب خيانه,,
الشاعر:
مانك عليهم هاين عليش منزوي غادي أوجهك شاين,,
شرابك يحيد مالكبود غباين ,,أنتا اجبدك جراري قوي برهانه,,
اتقول الدهر خلف معاك كواين ,,دايراتلك فاهق قوي وجعانه,,
يمكن أساع نلقالك طبيب يعاين,يوصفلك دوا مضمون في نجحانه,,
يرد البئر:
أمراض عديدة وجعهن استاصل ما طبيب يحيده,,
فاقد جماعة ينظروا لبعيدة ,,ركابة اللي قيس الخماس أسنانه,,
اللي وين ما يقفز الدير يحيده,,و يسابق عناق الريم في قفزانه,,
وان صار المعيط هل عزوم شديدة,,فكاكين للي مالعدو شرقانه,,
وعايشين ع الفطرة أصحاب عقيدة,,فراقهم امخلي حالتي تعبانه,
يامعطن ماجاتك و لا عطشانه أيام قبل من حوضك,,,,مشت ريانه؟؟

تغمد الله روح الفقيد برحمته الواسعة وأسكنه فسيح جناته وألهم أهله الصبر والسلوان
وإنا لله وإنا إليه راجعون

امغير نصهدوا

امغير نصهدوا قاطع عزيز الوانا ،،، لابعيب سمرنا ولا رضانا

مغير نصهدوا ونظنوا ،،، ونقولوا عزيز ايدير ما نتمنوا

اوقات نزعلوا ونقوفلوا ونعنوا ،،، انردوا عليه وندفنوا جوانا

زعلنا انحطوا من جديد انبنوا ،،،ابيوتنا احذاه ونصبحو جيرانا

وهو عنده سوا نمشوا سوا نستنوا ،،، ما عمرةه اطري مشغول من يالانا

امغير نصهدوا ضيعنا ،،، لايوم رضانا ولاوجعنا

ياريتنا نص الطريق قدعنا ،،، عارفين ما يطيبن اثمار عصانا

نهونا عصينا ناسنا ماطعنا ،،،طامعين يبقى ظلنا وذرانا

لاحذاه صيفنا ولاربعنا ،،، ولاعزيز فرشنا ولاغطانا

وضاحك علينا وقتنا ودعنا ،،، شباب عمر عدن يلغبن رحلانا

امغير نصهدوا قاطع عزيز الوانا ،،، لابعيب سمرنا ولا رضانا

مغير نصهدوا حيرنا ،،، لايوم وجعنا ولاقدرنا 

حذا عزيز وايام الشباب اخسرنا ،،،  وهو كل عام امبدلا بذرانا

 وبينه وبين ياسه وبين جذرنا ،،،  قضينا عمار انقدعوا خلانا

 واطري في العرب ينشد انكان حجرنا ،،،علينا عليش امقصرين اخطانا

ويكرب اقناعه وين ما ينظرنا ،،،ووين ما الطريق اتجيبنا ايخطانا

هــو دعوته مابا يجي معا محدرنا ،،، ولابن ايجيبنه اطرق مرقانا

امغير نصهدوا قاطع عزيز الوانا ،،، لابعيب سمرنا ولا رضانا

مغير نصهدوا تعبنا،،، لايوم بعدتا ولاقربنا

خلانا علي منقض رجا شيبنا ،،،علي جمر طافي ماتطيب اشوانا

ضيع عمارنا غير اعيار ذهبنا ،،، رهنا اسنين ومضنا وارخانا

وفينا امشمت لطرفي وعربنا ،،، وضحك علينا ناس ماتسوانا

------عمارنا هلبنا،،، وخسرنا اللي قدامنا وورانا

ياريته ان كان جايه غلط يطلبنا ،،، اهناك ناس في ها الوقت مي غلطانا

ولاهي غرامه كان هو عاتبنا ،،، ياحقوق ياخذ ياحقوق عطانا

ونسربوه م الاول وهو يسربنا وكل شي له قدره وله ميزانه

ويروب الحليب ونمخضوا رايبنا ،،،لنا اسنين نجاروا علي مخضانا

ونغربلوا الخبيث من طيبنا ،،،بعد غربلا يصفن اساع انيانا

فيه من اليمين وم اليسار قلبنا ،،، برمنا عليه معا جميع اركانا

امنين ما نجوه ايفز ويسيبنا ،،، امنيش وعليش عزيز ما ورانا

الادعوته ان كان ماهلب يعقبنا ،،، متخاطيين راياتا وروس اريانا .

قصيدة الشاعر المرحوم على الرقيعى

قصيدة الشاعر المرحوم على الرقيعى ومعه ابن اخيه خليفة محمد الرقيعي
وهو يسأله عن الجهاد بمنطقة الرقيعات والنواحي الأربعة


الابن/ ياسيد ماريت وين خوي عاركو اجدادا ركابة الخيل والبيت عامر شحايح بزادة
ياسيد خبر بيهم علي خيلهم وبيوتهم ورحيهم
اللي يفرحو بالضيف وين ايجيهم وبيت الكرم من الخير خير انضاضة
يسيل الدما لصار مد ايديهم وان جاورتهم ما يسمعوه امكادا
وان رافقتهم زاد الهلالى بيهم تقول من ضنا شيحة اسماح العادا
جيت سائلك سائل علي ماضيهم وحال غايتي في وطنا وجهادا
العم / لك نوصفهم اولاد العرب ياصاحبى تعرفهم
في يوم بو عرقوب زاد علفهم فراسين جارح ضربتا معصادا
خلا العدا فوق الرمال انزفهن غير المطوح كايد العدادا
الابن / ياسيد بيهم خبر وهلل على الاجواد لا تتكبر
سماح الفزع وين النهار يغبر فكاكة الميغور من حسادا
ركابة اللى بوسواد امجبر عيني عليهم دمعها بدادا
العم / ليش ادرف وليش منزوي غادي بعيد امطرف
اولاد العرب يا بو الرقيعي تشرف ان زاد طبلها ينقح سبيب العادا
ركابة اللي بالدهب يتصرف لباسة اللي يبرمو جدادا
واليمعاه العرف ما يتعرف يوم دكرهم يا ريت من المجادا
ثقيل روزهن كان النهار تحرف خيل النواحي الأربعة يا سادا
ويا مرحبة باليى عليهم شرف معمر اللي من البيض لون اجواد
الابن / يا سيد عنهم ياني بعيد الجبا سالم صروع احصاني
اليعادكو يوم جحيم الهاني وبات العدو وباب السرايا كادا
قوي سبيبهم في ساعة الدعكاني ويا طرابلس بيك التريس تنادا
جهاد يا رسول الله عالعدواني جراد طاليا غيره بدوها بادا
قابد علي قايد ولد طلياني في شوارعك تبات الدراع وسادا
وما من اليمكتوب في ديواني فدا ليبيا مجت النار افادا
عزا في عزا واحل مع حبانى لا طير ينقح لا شلت ودادا
هي فانية واللي عليها فاني وكم زين باع الراس دون بلادا
الا ليبيا من حدها الغربانى الا شرقها الارض الجريد حدادا
عشرين عام وعام فيه تعانى ولا نقرضو ليبي بخل بزنادا
العم / لو ريت يوم السايح وحق من كتب علي مثيلي نايح
يا بو رقيعي لو تعد الطايح تعد عدد عمري بالنهار يتقادا
يوم المكوغط والدما يسايح يوم يشيب من نهار اولادا
يوم المكوغط والدبار البايح يوم جهنم يا لطيف اعبادا
يوم اللى لو كان فيه جنايح ظنا طاليا زاور على المعوادا
يوم العرب نالت ثلاث ربايح سلاح ودخير وروحوا بامدادا
وفيه النواحى راكبات جوايح عليه زغرطت صابح سواد همادا
لو ريت يوم الفلة يوم السوانى والخليف على الله
يوم يكيد اللى قوى باعضاضا
بين النواحى وطاليا المحتلة سوقا رسم والبيع روس اجوادا
يوم اغبارا للسحاب اوصلا يوم على نضر العيون مكادا
ويوم الصبايا ناقلات الغلا بلا روسهن ياليبيا عنادا
وياما فقدنا من تريس غزلا اللى لا تحدث يعجبك ميعادا
لا سضيفا لا خادعة لا ذلة لا هم ثقال الدم مالفنادا
ولو كاتب التاريخ عنهم كلا فوق المجلد فاعلين سوادا
ولا بنتهم تلبس قناع الذلة ركابة اللى يخضبو بقلادا
واللى قعد كاى من ينوش بعلا ميخود الوطن ما يطيب نوم رقادا
واللى جلا خش السرير تعلا نزل وين ماحط الغراب اولادا
خدت المحلة فى قرون محلة من فج باطس * لا تراب اعرادا
على ما حكالى بوى واعر حلا حصار السوانى قفل من الحدادا
تهل ثورة الفاتح افعالك كلا مكتوب خطها كوفى قروه انجادا
ويحلف معمر باليمين وبالله عندك 12 يوم يا شرفادا
لا دلوكم من الوطن ينشل بلا ولا ما ملكتو ترفعو برادا
وكيف ما دخلتو تاخدو قرط الله وبعد العسل تاكل الحنظل صادا
كووك بالحديد وخرتوك بخلا كتافك الجبر والكتوف برادا
خلص دين ميت يا خبات الملا ويا زارعين الشر هكى احصادا
احنى وطنا عايش الحمد لله عايشين فيها نعمتا وارغادا
علينا فتح فاتح المولى دلا خدى حقنا والحق موش مكادا
ويا بجاه من اليمجميع تولى جعل كل عيد يكون من اعيادا
ونختم كلامى على النبى من صلا وذكر النبى للنفس فيه افادا

عندي قلب /صالح بوعياد

عندي قلب منك فيه طبت جمره ،،، اصحي من عشمنا فيك واشقي بأمره
 

نـــــــارك طــــــــبت،،، ولاقبل نارك نار فيه انكبت
 

ومامن جميلةبالجمال تنبت،،، اللي نخيلهامسع كلو من تمره
 

وموش كل من هبت عليه ودبت تاخذ النظر ولاهي ادوارة نمره
 

ولاكن صغا قلبي وعيني شبت ،،،وفيه شي واعر موش ساهل طمره
 

وعندي عين جبيتي وراك وجبت ،،،وعندي قلب مختارك عشيرة عمره

نــــارك كامــــض ،،،ورت ورد واجـــد فيه يانا رامـــــض
 

وراي لاعرفته مر لاهو حامض ،،،وجينا اصداف ايام فيهن ضمره
 

وانتي موقفك موفق ابنادم غامض ،،،لاخش الظلام ولاطلع للقمره .

الغوط لروفه للشاعر المرحوم روفه دعبوب

الشاعر :
ياغوط جرتن عليك نزالي ** ويانك اتصهد اليوم منهن خالي
جرت عليك مطارح ** وجرت اركيب فيك واجد سارح
أسياده الواحد كي الطير الجارح ** على هيبته والوطن صيته مالي
صنديد فوق من وافى نصية قارح ** وين ما قفز يلحق الريم الفالي
اجواد ضيفتم بايت ابقدره فارح ** ع الجود والكرم شاكر الله العالي
مو كيف حالي بتت فيك البارح ** في جنب سدرة ما حذايا والى
الغوط :
كانن على سدادي ** نواجع ابوادي من صلاب سعادى
جلايت اهمومه وين نق الصادى ** أحماه الطليب اللي لفاهم جالى
غيثى وشيهنى وعوكلى ورفادى ** اجواد هجرهم واجد امردى حالي
على لا تخطرهم اتجى بدادي ** الدمعة وما تمسح غباين بالى
على كل طاره تاركين نضادى ** اديار يصهدن آهن اليوم خوالي
طالب المولى والرسول الهادي ** عليا يعودوا والزمان يوالى
الشاعر :
ياغوط شين خلو أديارك **وقاعد أتصهد أتخوف اللي زارك
ع الجوع والعطش باتوا جفايا خطارك ** لا فيك ظل ولاذرا لليالى
أتقول فوق منك دايرات معارك ** عجاجك أيثوب والرياح عوالي
بالله قولى طالب اليوم عمارك ** و مافيك حاجه للحياه اتوالى
الغوط :
وسع بالك ** وصفى كلامك قبل عل أسوا لك
وهناك شي واجد يجهلوه أمثالك ** أو بشرح تبيله أمدد و اجالى
لا بوك لا عمك على حكالك ** اللي يعرفوني أو حالهم من حالي
على يشهدوا بالحق رآهم بالك ** ونا عذوتي فوق م لحروف تنالى
انكأن فلحوا مضمون صابة مالك ** و نكان رودو يلقوا ربيع أيوالى
ما هم اللي كيفك إرقاق مسالك ** نكارت جمايل واليدين خوالي
أنت هولي موحش وشين خيالك ** لا كاط فوقك لا لبست اجبالي
انكانك مشيت أتقول مشيت هالك ** أصلاب حيط ما يريدن الكعب العالي
حتى فالجلوس أم ضايقك سروالك ** ولله يا ولد مدعاك شاغل بالي
الشاعر :
ياغوط شين كلامك ** ويصعب على ما نريد ألطامك
وان كان لك ملام على عد ملامك ** ولا توجعك منى انلط اسوالى
احكيلى عللى نازلين أوهامك ** ويش فرقهم عنه الجيل الحالي
الغوط :
بينكم سناحه ** ومشيت اطناشر يوم ع الرداحه
لا تمولوا ولأنكم تريس افلاحه ** ولا فالشدايد ضربكم قتالي
اسملى عليكم رايمين الراحة ** وهى دلو لو مليت ارشها بالى
اتشيل قوتكم مركب اتجى طفاحه ** وان الرخا واسع عريض الجالى
وان البحر يصعب علل الملاحة ** هناك وين تذكر صحيح أقوالي
لا زرع قدامك ولا صياحه ** مخلى وقدامك الهود الخالي
وتلقى ارياقك مر فيه كلاحه ** ونادم عليها تركتى وإهمالي
والجيل لولى جاهد أيريد إصلاحه ** وفى عيونهم ديمه عزيز وغالى
قاريين ما نزل لله فألواحه ** وماسكين في يد الكريم العالي
الغيث يطلبوا للبير وان نزاحه ** ومن غير ربهم مالهم طمع في والى
كسابت اكحيله فالشقاء والراحه ** اشداد العزايم في كدر لاجالى
ركابت قصير القيد بوطراحه ** قناد الطوارف وين جاك ايشالى
أصحاب الفريق اللي سعيد صباحه ** متقادى ونزوله فالنظر يزهالى
صلاة النبي ع لمال فيه سماحه ** سواء لا نشر ولا امراحه مالي
واكحيله ان مدت عندها نطراحه ** أتزهى الخواطر والعقول أتوالى
والليل وين ما حاشت يجى زناحه ** دنين حشوها تحلف نحل جاء جالى
أو سيدها وراها بدقرتا ووشاحه ** صعيب دنوها ما هي قليلة والى
أيعفن الا تعفين فى مطياحه ** غزايها لا دفن لا غسالى
هاذاك جيل عدا وجد في مطراحه ** جيل منعكس ما خشي ساعه بالى
امغير كيلي يلعب ع الدرجاحه ** واللي تقدمه يرجع بها للتالي
الشاعر :
ياغوط ديك باهى ** وريتني موال عنه سأهي
ومانى امعاك سريب تو ناهي ** مستاحش ونسنى و فضي بالى
كم جيل عاشرته زمانه زاهي ** وكم جيل ريته في نكد متبالى
وكم قرن مر عليهم شين وباهى ** وكم قرن عديته اتصهد خالي
آنت يزمطن فالناس فيك دواهي ** ولا بالخلا رايد عليك العالي
الغوط :
الخلو موش معاره ** ونا كشف سرى ما عليك اخسارة
ربك خلق كونه ودار مصاره ** وأتدور لرض ويمرن بها لجالى
ونا حكايتي تصعب علل فساره ** طويل سردها يأخذ امدد واجالى
من يادم وحواء تأخذ الخباره ** ترتيب لعند الزمان الحالي
أول جيل جا داير اسلاح احجاره ** أوماله مقر ايذوح ديمه جالى
وجونى بعدهم اللي قسي جباره ** ابيوتم سطوهن نحت في لجبالى
غير دور تلقى فالوطاه إثاره ** تستاعظ و تلقاهن صحيح أقوالي
وجانى بعدهم جيل باستقراره ** واطن بنى فوقى أقصور عوالى
وفوقى فنا كله وخليت داره ** وفات مابنى للبوم فيه ايشالى
وجانى بعدهم جيل فيه حضاره ** وقسم وطاتى بالجسور عزالى
الخير عمنى تميت في نخضاره ** وجنة جميلة فالعيون اتوالى
عليا كتب ربك ابشد امطاره ** وسلط عليا هبوب ريح قبالى
قلواه نين ماخلى حطب بثماره ** وأخليت م البشر تميت نصهد خالى
ولعند توا قاعدات ابياره ** على مافعل تشهد بدون اسوالى
وقوما لفتلى جاهله ونصاره ** وقوم من قبائل بربرى وندالى
دوم في بعضهم شانين الغاره ** اسلاحهم الحربة والسيوف مجالى
رسيم حربهم مايوم تطفى ناره ** ولا يحرمو ولا يحلو جهالى
وياما لفولى من اجواد عصاره ** ومن نجد مروبى ضنا لهلالى
تونس امرودها عفاهى داره ** ويونس اسير القصر بين دوالى
عليك قال حازنى ابواب بالسكاره ** امفيت فزعتك مالى نجا ياخالى
وراس جدكم سوس على مزياره ** فارس امعدى فوق روس مشالى
وأبنى صور درنه وحط تحت جذراه ** وتواطا نباه وكان صيته عالى
والقري عليه امهونات اتباره ** شيال الثناء في فقد صاحب غالى
رد الكفا بالمال واجب داره ** شهير خلده فعله اسنين اطوالى
وجدك حبيب امنين خذ مشواره ** وغرب على فلوه ايريد الوالي
ايمين حالفه ملزوم ياخذ ثاره ** من ناس مالهم موطن اوجوه جوالى
وطرد اللى كانو عرب حجاره ** نين حازهم راس الحجاج العالى
لوكان تسمع جيتا وشعاره ** مامن عجب فيها حديث ايوالى
وين مايجيب نباه في قذاره ** اتوه غير في وصفه الوطن الغالى
والغيثى عليكم ليش خذ الكباره ** الا أبجيبته الراسه ردى لفعالى
جايب ايدين امكلالات بماره ** فوق من جواده ماليات مخالى
بعدها الوطن ارتاح موج بحاره ** وتمو هله في راحه وصفوة بالى
قوافل ايجنه جايبات اتجاره ** وفى خير ماراعى نهار نكالى
وكانت منازل هلل في هاطاره ** كسابين للغره ولم ابها لى
وخليت وين ماشد الزمان اوتاره ** وين النواجع ساقهن ليطالى
وجانى لكم شايب من شعاره ** وهاجا على خلوى الراس العالى
وذاكر العلبه اللى شهيره اصداره ** غوط بوهفيره فالمراض ايوالى
يوم غبهم يصبح عليه احشاره ** وان المسى يلفن افراق متالى
وفرج عليه الله رد انواره ** وعاود طويل العمر م لاهالى
وراقو بعد عقدت الريق مراره ** في وسط حفره رملها هيالى
ايحدثوك مازالو شهود كباره ** على سنين عاشوهن معا لنذالى
عايرتنى بالخلو موش معاره ** مكاتيب مافيهن سبب من والى
وامسك كتاب الله شوف اسطاره ** القران حكمه ومنبع الامثالى
شوف قصته عوزير هو وحماره ** وين مانكر قدرة الله العالى
وعدا على قرية وهى منهاره ** وقال هذى ماتعمر خريبت جالى
وهو مات ميت عام قرن اعباره ** وين ناض يحاسبه الفجر التالي
استغفر بعد نور الله افكاره ** وراعى احماره وهو رميمه بالى
ربك عظيم وقدرته جباره ** رجع حى يرزق كيف قبل وتالى
وراه الوقت في يد الكريم مساره ** وبذكر النبى نختم عليك اسوالى
الشاعر :
ياغوط ياما جارى فيك ** غير ثاريتك على اموارى
نشدتك على خلوك وجبت سهارى ** عجيبه الدنيا كل يوم ابحالى
اتبين الخافى وشهير اتوارى ** تبنى العش وتهدم القصر العالى
ولا يعجبك فيها اشبوب بدارى ** أتثنى عليه ابومد ريح قبالى
تضحك وتبكى وخافية لسرارى ** غدارة وماضمن نجاها والى
مرات بالفوايد اتبايعك وتشارى ** ومرات بالخسائر سوقها دلالى
ياغوط منها حايرات افكارى ** الدنيا مافيها اطامن بالى
ناحرت ونريدك انت دبارى ** وانت امعاشرها امدد واجالى
ناكيف فيها ينعدل مشوراى ** وهى ادروبها متعوجات اقبالى
الغوط :
ينعدل باموره ** وصلى صلاتك قبل يوم انشوره
وذكر الله في رقدتك وثوره ** وقول يالله ديمه عليك اتكالى
وأحسب القبر اللى امعدى شوره ** وقول يالله تصلح جميع أعمالى
ولا تغربك الدنيا اللى مغروه ** تعزك اليوم وتقهرك فالتالى
جميع ماخلق ربك فنى سيوره ** مافى شى ايدوم غير العالى
ابجاه الكتاب اللى نزال باسوره ** ايصلح الموالى حالتك واحوالى

تعزية

السلام عليكم /
بقلوب مؤمنه بقضاء الله وقدره اتقدم بأحر التعازي وصادق المواساه للاخ الاستاذ
جمعة عبدالعليم
في وفاة المغفور له بأذن الله
الحاج محمد عبدالعليم
وانا لله وانا اليه راجعون.

برنامج المأذن لمواقيت الصلاة لمعظم المدن الليبية .

البرنامج رائع ومفيد وبه الكثير والكثير من المزاية 

تصميم الاخ عبدالعاطي سوالم جزاه الله خير 

لاتنسوه وتنسونا بصالح دعائكم 

تفضل التحميل

نوار العوينه من انواع البرقوق

من اجمل الصور بعدستي

اجمل الصور بعدستي

طيـــاح شمــــــس

طياح شمس في المغرب انجي لمحلي ،،، ولمباكر معا نفس الطريق انولي

اندور ابروحي ،،، وانحوش في المساء حوشة الغراب النوحي

راضن جميع مقالبي واطروحي ،،، وقابي {وباقي } انسته هكذي درولي

ولاكن اللي عالم شقاي وموحي ،،، يقدر ايخلي خاطري متسلي

كريم هو اللي بيده الرزق وروحي ،،، وخالق الرسول اللي عليه انصلي

{اللهم صلي وسلم على سيدنا محمد }

الشمس انطيح ،،، وانحوش ياقريني في المساء متريح

لالي في المراح اهناك جدي ايصيح ،،، ولالي خزاين وأمرهن متولي

رزقي على اللي في السحاب ايسيح ،،، نين ابشرابه كل هود إيملي

هيف وذراء مازالت !!!

ياغاثة المكروب

ياغاثة المكروب وان الشدة،ماكان كون ولاحكمت ابضدة:
ياغاثة المكروب في شداتة،وياملحق العاقب له رفيقة فاتة:
بحكمك ايميح المزن في جيهاتة،ويسوقة بريح يغربلة ويبدة:
ويبقى الجو هادي والمطر فلاتة،من قوة سحابة ع الوطا ممتدة:
تلحق علي جملة جميع فلاتة،واللي قبل كان في حالة يبيس اتجدة:
وصفه ايدوخ الفكر بمهاياتة،ماانسان في جملة اسوال يحدة:
يامن عطيت الحي موهيباتة،واللي ايديرها عندك بها مسودة:
وهوامغير يجلول معا دنياتة،وماقول صاحب ع الضلال يردة:
اموالية كثرالمال واحكاياتة،وكيف يتكي يلقا احذاه مخدة:
وفي خير مطامن معا وشناتة،وحاصل علي جملة رصيد ايسدة:
ومازال وصفي متبع جيهاتة، للي بحكمة ثابت الكون بيدة:
الا العبد ماينفع وطئ شلماتة،ولافي العطاء ينهض اللي في الشدة:
حتى لوعطاء حاجةتجي بهاتة، وحكاية سلف باجلة ايام اتردة:
كلي عطية الله موش اشحاتة،اتجي م المجد ماله حسيب ايعدة

لجـــواد

السلام عليكم ورحمة الله تعالى وبركاته


نقلت لكم هذا السرد الهائل لكثرة اعجابي به
واتمنى ان ينال اعجابكم و رضاكم والاستفادة
وهو اهداء مني الى الجميع



المولي خلق لجواد رمز الجوده == وخير المكارم في الوجود لجواد

اشتقت كلمة الاجواد في التراث والشعر الشعبي من كلمة الجود ويقول الشيخ (الطاهر الزوي)

رحمه الله في مختار القاموس ( الجواد =السخي وتجمع اجواد واجاويد والجود بفتح الجيم

المطر الغزير وعين جؤود كثيرة الدمع اما في القاموس الرائد ( لجبران مسعود) فان الاجواد
هي الاكرام وتجمع اجاويد

لكن كلمة (لجواد) في العاميه الليبيه تعني اكثر من ذلك بكثير فهي كلمه جامعه لكل خصال الخير

وهي ليست الكرم ومايدور في فلكه بل هي تعني فيما تعني كل من يجود بماله ويحسن الى جاره

ولا يقابل الاساءه وقد يقاابلها في العربيه كلمة الخيرين الطيبين دوي النخوه والشهامه فالجود

بحر لاساحل له ولاتحده معان ملموسه بل هو الخير كله

يقول (الحسن بن مطير ) في رثائه (لمعن بن زائده) وهو رجل ععرف بالكرم والجود وقد

رثاه الكثير من الشعراء

الما علي معن وقولا للقبره === سقتك الغوادي مربعا تم مربعا

فيا قبر معن انت ااول ححفرة=== من الارض خطت للسماحة مضجعا

ويا قبر معن كيف واريت جوده=== وقد كان منه البر والبحر مترعا

بلي قد وسعت الجود والجود ميت === ولوكان حيا ضقت حتي تصدعا

فتي عيش في معروفه بعد موته === كما كان بعد السيل مجراه مرتعا

ولان الاجواد هم اهل الجود واصحاب المفاخر والشهامه والنخوه والشجاعه

واغاثة الملهوف والوفاء والعفو عند المقدره والحلم فان االاسلام الحنيف عندما

اشرقت شمسه علي الجزيره العربيه جب كل ما قبله الا هده المكارم والخصال

الحميده فابقي عليها وحسن بعضها وحرم كل مدموم لا يتصل بها وقد قال الرسول

عليه الف صلاة وتسليم (المرء علي دين خليله فلينضر احدكم من يخالل )

وفي الاجواديقول ايضا (ان من الناس مفاتيح للخير ومغالق للشر وان من الناس

مفاتيح مفاتيح للخير مفاتيح للشر مغاليق للخير فطوبي لمن جعل الله مفاتيح الخير

علي يديه وويل لمن جعل الله مفاتيح الشر علي يديه

فالاجواد هم مفاتيح الخير

هذه اذا صفات الخيرين المتقين حيث يتبين لنا ان لجواد هم اهل البر كما ذكرهم الله سبحانه

وتعالي في كتابه العزيز يقول الله تبارك وتعالي في سورة البقره

 {لَّيْسَ الْبِرَّ أَن تُوَلُّواْ وُجُوهَكُمْ قِبَلَ الْمَشْرِقِ وَالْمَغْرِبِ وَلَـكِنَّ الْبِرَّ مَنْ آمَنَ بِاللّهِ وَالْيَوْمِ الآخِرِ وَالْمَلآئِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّآئِلِينَ وَفِي الرِّقَابِ وَأَقَامَ الصَّلاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُواْ وَالصَّابِرِينَ فِي الْبَأْسَاء والضَّرَّاء وَحِينَ الْبَأْسِ أُولَـئِكَ الَّذِينَ صَدَقُوا وَأُولَـئِكَ هُمُ الْمُتَّقُونَ }البقرة177

والجود ايضا هو السعي مع صاحب الحق لاسترداد حقه وهو الجود بالوقت والراحه في سبيل

نصرة المظلوم واغاتة الملهوف وهو مع هدا الجود بالنفس لان الشجاعة من الجود يقول الشاعر

(يجود بالنفس ان ضن البخيل بها === والجود بالنفس اقصي عاية الجود)

ويقول الرسول عليه الصلاة والسلام

(ان الله كريم يحب الكرماء يحب معالي الاخلاق ويكره سفاسفها)

ومثلما يتسابق االشعراء علي ابواب لجواد فان

(لجواد) يتسابقون علي توريت اعقابهم هده المكارم ولعل المثل الشعبي يؤكد ذلك

(اختار لضناك خال)
كما يشير الي هذا المعني لشاعر محمود احميده ابومنيار اد يقول في احدي قصائده

وخلي خلاطك دوم في اطوال العنا === يقولو اختار الخال للجدعان

اما الشاعر ابراهيم عامر الزوي رحمه الله فانه يقول

عيالك اختارلهم ضني حنتهم === الانسان قبل مايربط يعد الحله

ولان العرق دساس و ( السيل له جره)

كما يقول الشاعر الشعبي ( عبد السلام بو جلاوي)

لجواد عرقهم حتي ان صارت جفه == يطول ف التري يصمد زمان طويل

السيل جرته في الارض ما اتخفي === وخلفة خيار الناس جرة سيل

وثمة قذاره تقول

اللي بني يعرض الساس ويرص الحجر شغل قوه

واللي عرف يعرف الناس اهل الشرف والمروه

وقد وردت كلمة لجواد في التراث الشعبي بصيغة الجمع ولا توجد ببصيغة المفرد

بل ان المفرد اشتق اسمه منهم فنقول ولد لجواد او اجوادي او بنت الاجواد نسبة الي الجمع

وقد ترد بالفاظ اخري تحمل تحمل نفس االمعني مثل الاجاويد والمسامي والسمايا حيث وردت

هده المسميات في اكتر من من اتر شعري متل مادكره رجب بو حويش المنفي رحمه الله

في قصيدته الشهيره مابي مرض عندما قال ( مابي مرض غير فقد المسامي)

وعكس لجواد في الفقه الشعبي هو الاندال او الالياش كما تقال في جنوب وغرب ليبيا

والتراث لم يغفل ذكر الاجواد والخيرين فجعلهم قبلة الانضار والاسماع وعند مناقبهم وخصالهم

بل جعل الجواد واهله اساس الملك والرفعه في اي مجتمع فقيل

الجيده والجود ولجواد == ثلاث انداد === عمار بلاد === ان غابن عنها غاب الزاد

ولكن ماهي صفات الاجواد في التراث الشعبي ؟ يقول الشاعر عبد السلام بوجلاوي

امواير ولد الاجواد لك نوصفها == ان كان رافقك تلقي عليه دليل

وماهو الدليل ؟؟؟

ان حدت صدق وان كان عاهد وفي === ويشيل الصلايب فوق حمل ثقيل

وان فيها برم بسياسته تصفي === وان خاضت وحاست حوسة البنتيل

تم ماذا؟؟؟

لجواد في الكروب تبان بمواقفها == منين المعلق في نهار الشيل

معلاقه رقيق يطيح وين اتهفا === ان تمت الريح امصادره الرحيل

شديد عزم لايضعف ولا ايتهفا === ويصمد امام الدايلين يديل

وان دل لايحقد ولا يشفي === ويرحم ان جاه عزيز قوم ذليل

اما الشاعر لبعج بو عدوان رحمه الله فانه يصفهم قائلا

روس العرب هابه علي موالهم=== منين المعلق في نهار الشيل

اتقال في وجوه الخيل يموح اتقالهم=== يزابو علي لفخار راغب رغيبهم

واللي طاح شالوه وقتا اومالهم === في توامج النيران امصبي سبيبهم

وساعة ادراه الكبد يرسن اتقالهم === وقنو العدو مهدود من تصلبيبهم

وان قالو معاك اقوال يوفن اقوالهم === وروس العرب ممنون من طيب طيبهم

ويصفهم الشاعر فرج الشيخي في قصيده طويله منها

لو تتنتصح تسمع كلام الفاهم === وتاخد خبر الاجواد وموايرهم

اللي وين ما تبقي نزيل احداهم === تعيش في دلال وبالفخر تدكرهم

طعامة الخايف وين قاصد جاهم === وقولة يساره حجة اصغيرهم

ويحمو الخايف وين جا لجباهم === فزاعه ايفكوا الواعره موعرهم

علي اتر العصر ربي الجود عطاهم === علي كل حد صاعب اخشوش بحرهم

وفي قصيده رائعه الشهير حسن لقطع يقول

لو متت ما نرضي اوصاف زهيده === لجواد خيبولي كل نوع انريده

بحساب يوم رفقتهم سنين عديده === ورفقة الذيليه نهار اتشيب

بينهم مسافه واسعه وبعيده === الزينين للعفنين وايش ايجيب

لجواد لا رقيق النق نق غريده === اسباع الخلا منهم الناس اتريب

لا يبخلو لا يركبو القعيده ==== ايعيربك اللي منهم اتقول اعطيب

وفي قصيده اخري لنفس الشاعر اخترت منها هدا الدعا لهم

لجواد ما تريد تدوم خبت اخباتهم === مرض ايام يشافا اخري ينزاح

هون من ايهونهم وما يعتنيبهم === هانه علي هانه وقل ارباح

وبلغ مقاصدهم وقوي نصيبهم === بجاه من مع وحوش الخلا سياح

وفي هدا الصدد يقول الشاعر الشعبي عبد الله بن الروين

اتجيبن كبير الشان يابطون النسا === وتجيبن اكبار النفس والحمال

واتجيبن شداد النفس وابطال الوغي === ويحامو اللي خايف بكل افعال

واتجيبن تريس اسماح شيمتها الوفا=== وف الضيق تلقاهم ان ضاق الحال

واتجيبن اللي جياب لفخا ر والتنا === وحمول فوق من حمله الهن شيال

واتجيبن اجواد صحيح ماهم للغبا === شبيه بضنا شيحه اولاد هلال

وحتي في المنام ان جوك يلفالك زها === لجواد عز ما بعد لجواد رجال

ان غابو يغيب الخير ويغيب الهنا === الدنيا بلاهم طعما يبسال

ولولا ضنا الاجواد شيالة العنا === ما بالمحاسن تنظرب الامتال




*********************************




واليكم مجموعه من القصائد التي تتحدت عن الاجواد

***الشاعر الغناي اغنيه الورفلي مع مشاركة الشاعر عبد السلام بوجلاوي ***




اكحيله والخيل والاجواد*** تلات انداد *** بلاهن ما يعمر ميعاد

اكحيله والناس الزينين=== اصحاب التاريخ المشهور

اللي عالسيه دارايين === بحرهم ماهو كي لبحور

لهم م الماضي ساس متين=== لعازات الدنيا مديور

عرب للومه عدادين === نباهم واصل كل برور

عرب ما تنقاس بلخرين=== اللي عفنين حشا الحضور

عرب ما تفتن بين اتنين=== ولاشهدو بشهايد زور

عرق ديما نطريهم وين=== عليا وين الكيل يجور

بقولة ديما نزالين=== العافي هداك المبدور

بقولة ديما كسابين=== لميل ادراها درم الزور

بقولة ديما فكاكين=== لها م اللي جاها ع الفور

بقولة ديما ركابين=== علي الكوت الجاظي النكور

بقولة ديما عزاميين=== يجودوا والعامات شرور

بقولة ديما منغومين*** بها الامجاد***عليهم لازمني ملهاد

اووينهو قابل غيم خمود === او وينهو علم دار دراع

او وينهو زامن فيه رعود=== او وينهو والبارق شكاع

او وينهو عز بنات القود=== او وينه جا سيله دفاع

او وينهو دار النجع حشود=== او وينهو لموا بالاجماع

او وينهو رايدهم ميجود === يبوع تبويع البواع

اووينهو شد علي مغدود === او وينهو له ما حوته طاع

او وينهو في اليوم المبعود === او وينهو صار معاه وداع

او وينهو لبا هود بهود=== او وينهو بوج علي القعقاع

او وينهو خضر فيه العود=== او وينهو بات السعي شباع

او وينهو له خبره وقصود === او وينهو والمنبوت انواعا

او وينهو رد عليه اردود=== او وينهو مشواره ما ضاع

او وينهو جاب خبر ميكود=== او وينهو قال الوطن ارجاع

او وينهو مالاشي حيدود=== او وينهو مصياف ومرباع

او وينهو راحلهم في القود === او وينهو جابنهم الاوساع

او وينهو مدوا فيه مدود ** مع لسناد**بمال مبجد مالا احداد



**** مشاركة الشاعر عبدالسلا م بوجلاوي *****




الجوده والجود ولجواد** تلات انداد ** عمار بلاد** ان غابن عنها غاب الزاد


الجيد والقود ولشراف === عمار بلاد صحيح وند

لميضوعه مالي خلاف === اللي طالب من شوري رد

تكامل في كلمات اظراف=== المعني مو خوفي من حد

لهن ما عندي ما ينظاف=== معاه علي صدقه شاهد

امضاي نحطه باااعتراف=== بقولي ما قال نيكد

خلق مولاي الناس اصناف=== جعلهم كيف اصباع اليد

خلق في لطباع احتلاف=== اجواد وديلين هبد

خلق فيها مامن عكلاف=== ان جاك يجيك معاه نكد

خلق مامن خايب دلاف=== عليه السيه ما تنعد

خلق ناس الشايف لاشاف === لهم في حاجة له تمتد

نياهم طايل كل اعراف === الزين الهم فيه عوايد

لهم في الجوده موش اقطاف=== فرسهم م الوالد للجد

اجواد يجودو كيف الكاف=== ينفض والحاله تشتد

كرم موش اتفخفيخ انغاف === استغغنن في هالجدايد

ولاسارق م الحبسه خاف=== يبزعق في المال يبدد

سرق مجهود اوحود اضعاف=== اربح فيه وهو متبرد

طرق خوجه لجواد انظاف=== لهم جابوها جري وكد

فلاحه ورعاية معكاف=== عرب موش استغلال لحد

الشاعر يسمي قطاف=== اللي ما لجواد يمجد

عليهم كم شاعر دراف=== مستف بالقول قصايد

متيل ابراهيم وجلغاف=== ولقطع والطالب خالد

وعون ومتولي واحفاف=== وهيبه والبنكه وحمد

الشاعر للخيره شراف=== نباه بمو فاعل يصعد

وتاني في الكربه صاداف=== الخير لمن داره يرتد

مسجله من غير املاف=== رصيد وله فيه فوايد

نهارا فيه العالم طاف=== بصراط ونار توقد

يلاقي لذنوبه خفاف=== ديون سواياه ايسدد

لوزنه يمحي عشر اضعاف=== علل في قول الله اوجد

ان درته لحسابك ينضاف=== علي دوره نفسك عود

ولاخر لصحابه شفشاف === علي فعل الشر تباعد

معدي صيوره خراف=== الحال اللي فيه محود

تجيبه ويزول ويخلاف=== المال يفارق ويعاود

وسخ فيدك جايز يننظاف=== وعمرك لو طال يحودد

الزين بمو داير يوصاف=== بعد موت افعاله تقعد

الذيلي من ساعة ماجاف=== الناس علي مدعاه تسد

يشيلوه بلوحه والحاف=== ومارته مو متشهد

يجيبوه لحفرة الاوقاف=== الحاضر فوقه رمل ايهد

بعد واشونه ما ينهاف=== عليه الا امه والوالد

بعكس الديلي في الاوصاف=== الزين اوصاافه يا ناشد

ان مات علي عشرات الالاف=== يبنن فاهق ما ينسد

الزين علي القاصر عطاف=== بما يملك فيه يساعد

يريده من جاع ومن هاف=== اجوادي للطايح مسند

ولد زين لمن مو خلاف=== وبات لمن باته فاقد

كما منهل عامر زغراف=== سماء في الطيب وجودة عد

تجيب شرابه بالغراف=== ابطول ايدك من غير قلد

وان مات زمانه مو حساف=== الباري عالعازه يحمد

بطاعة للمولي ولطاف=== يقول ارضيت بمو رايد

حشا مو شكاي وصفصاف === ان كان زمانه ما ساعد

الزين ايمانه بالرواف === قوي لايضعف لايرتد

ان جيته شاهد مو لفاف === معاك بموناضر يشهد

وهو بين ايدين السياف=== الحق يقولهه ما يجحد

علي طاري لجواد ارياف=== نرايف لشكار نجدد

لهم دوم بقولي وصاف=== بزين ولندال نهدد

العفنين زقيبه كرناف=== افراع تساقط ما تنشد

الديلي ماجن عام جفاف=== مسكر ما يسقي وارد

ولا في مطلاقه مصياف===وطاته طقوها بعمد

الذيلي ضيه حوله لاف=== ضوا دوب ارجاله وقد

الزين قوي نوره كشاف=== علي ناحيته عد وبد

حمول علي حمله نساف=== ولاخر في حمله كايد

الديلي من نظره ينعاف=== عليه بلوصاف تنقد

مغير انصابه لجل اهداف=== ان زان الذيلي واجيود

علل واضح مااني كولاف=== ولا في الاحوال نقيد

ولاني للواقع حرااف=== علي قول الحق نعاند

ضرور ننهي به المطاف=== كلام العفنين يبغدد

ودوم مع الخيره وقاف=== بقولي لكفاهم رداد

بجاه اللي ع الكعبه طاف === اقريب والعفنين ابعاد

الجيده والجود والاجواد **ثلاث انداد **عمار بلاد** عمار بلاد **ان غابن عنها غاب الزاد



*** الشاعر ابريك ابريدان ***





لجواد هم ضنا لجواد ساعة اخطارهم=== ولجواد هم ضنا لجواد واحد جفيلهم

لجواد هم ضنا لجواد وافي اعبارهم === لجواد هم ضنا لجواد واجد قليلهم

لواد هم ضنا لجواد واعر حقارهم === لجواد هم ضنا لجواد مايل عديلهم

ان كان جيثهم بالشر حامي حجارهم===وان كان جيتتهم بالخير بيدك تشيلهم

لجواد هم ضنا لجواد تشرب ابيارهم=== ولجواد هم ضنا لجواد زايط نزيلهم

ولا يسكرو بالحرت في مصدارهم=== ولا بالحديد يسكروه سبيلهم

لجواد هم ضنا لجواد مامن جارهم=== ولاينهلب في الدار ساعة رحيلهم

ولايغيروا وقت الكلال اصبارهم === يلبوا اطلابك قبل ما تشتكيلهم

والجوده بعد الاوايل هده كارهم=== وان كان انظرووك ايجوك لا توميلهم

لجواد هم ضنا الاجواد يندوا كبارهم=== لجواد هم ضنا لجواد يسخوا عويلهم

لجواد هم ضنا الاجواد يسعد مزارهم=== مسمح منازلهم ومسمح خيلهم

وخير من اخيار الناس دوم اخيارهم=== وخير من هبيل الناس حتي هبيلهم

لجواد هم ضنا لجواد ساعة ابكارهم== بفاتحة كتاب الله يبدوه قيلهم

بدارهم خصب في لرض كتر بدارهم=== نين في اطراف الوطن تلقي قصيلهم

ويالله لاتطفي زها نوارهم=== ويالله وصل بالتبات وصيلهم

ختام الكلام الطيبين اسرارهم=== الصلاه عالرسول الطيبين دليلهم


*** الشاعر عبد الله بن الروين ***




لجواد خير م الياقوت والماس والذهب ===لجواد ديما صرف كل زمان

لجواد علاهم الباري ع العرب === تعلاية صقوره فوق غيم امزان

ولجواد في وقت الشدايد تنحسب === بالجود والكرم والصدق والامان

ولجواد مدكورين حتي في الكتب=== عز الرفيق وعز للجيران

وان عاتبتهم باللوم خافو م العتب=== الطيبه عليهم في الوجوه تبان

وان دانيتهم تلقاه دنواهم طرب === وكيف يقربوك لقربهم تطمان

لاتخاف لاتنهاس لاتنظر تعب=== لايصغروك بعيب لاتنهان

ولجواد عز للمكروب وقتا ينكرب === يهونوا افداهم ارواحهم لتمان

ولجواد لليتامي والفقارا والغرب=== ربياة علي طيب وشرف واحسان

وكيفما يجود نخيل باتمار الرطب=== يجودوا علي المسايل بلا منان

وحتي في سنين القحط وسنين الجدب === ما بمالهم بخلو علي جيعان

ولجواد كيف شراب( منهل بلغرب )===غزير جمهم ماينزحه ارشفان

خلقهم الله الخير يبقوله سبب=== عقول يكرهن في الزور والبهتان

اصحاب النخاوه والزين والحسب=== معيشه بلاهم وضعها تعبان

لهم صيت عالي ديما منتصب === نصبة الرايه فوق م البنيان

حشاهم البطاله لهم ما تنحسب=== لهم بينهم ماعندهاش مكان

بناية وسيع الجال مردوع الكرب=== اللي فيه للطرقي ذرا واحسان

ولجواد وين الوطن وزره ينكرب=== يجيبوا افخاره ينطروا فرسان

ويجودو منين الحرب ناره تلتهب === يردوا الكيد بكيد في الميدان

لجواد هم خير م الياقوت والماس والدهب=== لجواد ديما صرف كل زمان


**** الشاعر شاكر الهوني ****




لجواد عندهم عندي اقدار عضيمه === ولندال مالهم عندي شرف لاقيمه

لجواد عندهم عندي اقدار بزايد === لجواد اصل ماهم ملمدين لمايد

لجواد وين ما تمشي نباهم شايد=== لجواد جودهم كيف السحاب وغيمه

لجواد هم عمار الوطن ربي رايد=== عطاهم المولي من ارزاق نعيمه

الكلام وين مايسرح عليهم عايد=== ان غاب ذكرهم راي الافكار عديمه

ولنذال كيف ترقيعة التوب البايد === مغير مضيعه كان الهدوم قديمه

ولنذال ما يعيشو بغير سنايد=== لاعرق يندي لاعقول فهيمه

ولنذال من وراهم ماتنال افوايد === تقال دم منطقهم مخالف ديمه

بيعهم معوض والاتمان زهايد === خير من ندام يركبوك جريمه

لجواد جود وهمه === لجواد جلاية ضبااب الهمه

لجواد صوت في الميعاد دوم مسمي === لجواد في الشدايد يملكوا الغريمه

لجواد في النوايب توب ضافي كمه === ولاعندهم ختله ولا تبريمه

لجواد عهددهم واجب ولازم تمه === ولا من اصحاب الفتن لا النميمه

لجواد فكر كلمتهم الشمل تلمه=== حلالة المشاكل والعقول حكيمه

داري ولد الاجواد راك اتدمه=== لجواد هم شعاع الفجر في التجهيمه

ينشا ولدهم والكرم في دمه === مع رفقته تعرف امور عضيمه

لجواد جودهم منهل غزير الجمه === لجواد ورد يعجب منضره ونسيمه

والانذال رفقتهم تسبب غمه==== ويقل النضر وتسيرله تعتيمه

خبيث طبعهم فيهم اقلال الذمه === وفيهم اللي في وجوهم تظليمه

وفيهم اللي ع الناس فاتح فمه=== وداير ولد الاجواد دوم خصيمه

ومنهم اللي ماله غلب في ظمه=== وان كانك قصدته تصيرلك تنديمه

يرجف ان جاك تول واخد حمي === شحاح نفس مافيهم قلوب رحيمه

لجواد ما ننساهم === لجواد جودهم رافع لفوق نباهم

عليهم كلامي حبس ما يخطاهم=== لجواد وجه باسم واليدين كريمه

لجواد يعزموا ويشاركوك عشاهم === يجودوا بما موجود في التقديمه

لجواد يعجبك تخطيطهم وارياهم=== ولا يظلموا لا لغير يرضوا ضيممه

ان جيث بالمحبه الصافيه تسعاهم=== وان جيث بالخطا تعاود بقلة قيمه

لجواد يا صاحب ان كنت معاهم=== سعيد حط ما ترجع الا بغنيمه

ولنذال مكترهم عددهم تلقاهم === ماعمرهم طقو الطريق سقيمه

كيف التعالب ماكرات انياهم === صحيح وجهه ما يعرفو الحشيمه

ان كان مصلحتهم فيك يا مبهاهم ===خفاف عظم غير انده ايجو خديمه

وفيك يشمتو كانك عقبث وراهم === ولغيرك ايدمو ويشتموك شتيمه

اجعنهم فدالجواد هم وضناهم=== هم يكملوا ولجواد يبقوا ديمه




***الشاعره بدريه الاشهب ***



سلامي علي الاجواد في دار الفنا=== النفس تبلي والمنايا تصيبها

النفس كيف الريح برمه وتنتهي=== والدنيا يالاصحاب من هو حبيبها

الصيت يبقي طول مابقيت سما===والصيت كيف الارض تبقي بطيبها

عنوي علي لجواد شيالة العنا=== اصحاب الفزع يوم تلحم سبيبها

فوق خيل مشريات من سوق البلا=== يميدخن ع النار ساعة لهيبها

مساحات لدموع اليتامي م الصغا=== بجبرة خواطرهم وكسرة طليبها

فرسان كيف النجم ماهم للغبا=== كسارة خشوم جيوش تعبد صليبها

في نجوع مفروشات والعز الكسا=== بصولة فحولتها وحكمة مشيبها

تسمع زفي النار في روس العلا=== فحيح صل متعربد ومالك شطيبها

دليل للدهاب في فاو الخلا=== مناير لدار الجود مقصد غريبها

الكاظمين الغيظ لاصار الخطا=== يعفوا وبالمعروف مردود عيبها

يكرموا الودادات ويردوا الكفا=== ارواحهم فداء لصدور شربوا حليبها

وهن زاد كيف الشمس من ضي ودفا=== بدقرة سوا بالشعر حكمه تجيبها

مبروكه العلاقيه في سنين الكدا === تشبه لخوله يوم فكت سليبها

تشريب تحت الكبد فوق من الكلي=== عنيف ضربها بالياس عيط طبيبها

وفاطمه عتمان في ايام الوغي=== خرابين قالتها وتحدت غضيبها

هجاوة تحط اجواد في قلب السما=== تخسف لسابع ارض تبخس عطيبها

فرسان يحموا الارض ويحامو النسا=== بيوت فكر للجلاس يبدع لبيبها

فاضت عيون الشعر من دكري لها===سيرة ضنا لجواد من يقتدي بها

فاضت عيون الشعر من دكري الها ===قلوب عند دكر الله تسمع وجيبها

انا ليبيه نقول الشعر ونبكي الحا===نرمي معاني القول سهمي يصيبها

صلو علي بو فاطمه اجمل صلاه===شفيعي وشفيعك يوم يوقف حسيبها

يوم الكلام يغيب وتحكي اعضا ===وماغير قول الحق نفسك ربيبها

قدام رب العرش وقفتنا سوا===الفرق فرق النفس واللي يعيبها

الايمان في الشعر الشعبي الليبي !!!

الايمان بالله والملائكة والكتب والرسل والقضاء،،،واوفي بعهدك ربنا يجزيك
وسمعنا وطعنا عهد توفيه بالوفاء ،،،والله رب واحد ما معاه شريك
لمر والعمر فيديه والكرب والرخاء،،، ورزقك عليه وله فروض عليك
الصلاة والزكاةوالصوم والحج وانتها ،،،علي شي عنا ربنا ناهيك
وايام الحفاء والجوع وايام العراء،،،اصبر وهو خير الجزاء يجزيك
وسبح بطول الليل واحمد واشكرا ،،،حتى لوبطى خير الكريم يجيك
رقيب وسميع مجيب دعوة الداعي لدعى ،،،الله اطلبا واطلب ارضاء ولديك
وكريم ورحيم غفور يغفر مامضى ،،، اتريد الهداء استعانبه يهديك
الباقي الدايم الحي علام مدفونة الثرى ،،، توب له ارضيه استغفره يرضيك
احياك وانت ميت كنت ويميتك اخرى ،،،،وبعد ميتك لخرة اساع يحييك
واساع يبعثك عريان مافوقك اغطاء ،،،ولاستر فيت برحمته يكسيك
واساع يسألك ع المال والعمر والضنا وعلي افروض ضاعن من طمع لاهيك
وايش ريت وايش اسمعت وايش عطيت لله من عطاء والا انسيت اتعطي من عاطيك
واصحى تلتهي في شي ماشي للفناء ،،،لاعد اتجي بهذي لابهاذيك
تنسى الذكر اليوم بكرة تنتسى ،،،مطرود انت واللي كان متوليك
من رحمتة لا تطول في ظل لا ذرى ،،،ولاينظرك ربك ولا يزكيك
هو رب الانسان والجان هو رب لرض هو رب السماء،،،هو اللي غني عنك وهو غانيك
وله ماخذا وعطاء ولله البقاء ،،،ولك ماعطنا من عطاه ايديك .

فيش تقول ؟

يا العقل فيش تقول ؟
للشاعر / غفير صالح العرفى

يا العقل فيش تقول ... نشدتك القيتك كى اللى مشغول ... تيّار واخذك

يا العقل فيش تخـــــرف ... كنّك مقحر لاورا ومطرف
الدنيا تواطى بو مقام يشرّف ... وتخرّج اللى عنده ثلاث عقول
يا العقل خلك زاهـــــى ... وخرّف مع الجيران واشرب شاهى
حتى والمشاكل دايرات جباهى ... واجدات ومعانا خذن مشتول
الدنيا امتاع الله واسمالله ... ما عاد نلقوا للشكال احلول
ولا ع الخطا والعيب واحد ناهى ... وتمّ أخيار الناس مو مقبول
يا العقل عاطك قــــوم ... ما نحسبك تقبى رقيق عزوم
تحساب الزها والعز ريد يدوم ... وهاذول ديمه فى حبا هاذول
الدنيا سفينة فوق موج تعوم ... جميع من ركب فيها وراه نزول
ولا تسوقها ظالم معا مظلوم ... الناس تختلف فى الأصل والمفعول
واليوم فى مكانه كل حد مفهوم ... فيه ناس روس وفيه ناس اذيول
يا العقل حطّ وريــــح ... وابسط وهدرز كى الناس وزيح
الدنيا تعلى فى البناء وتطيح ... تزرع معاك وتاخذ المحصول
عارقينه حملك ثقيل اميّح ... وفوقه صلايب من اخلاف احيول
يا العقل كون شجيــــع ... واصبر على ما جاك من تلويع
را الدهر مو ديمه زهاء وربيع ... لاسبدّ من كونه يكون ملول
واصبر لحكم الله حكمه طيع ... ولا يكون رايك كيف راى الزول
يا العقل فيش تفكـــر ... القيتك اتخمم كى اللى متسكر
لا تشك فى الدنيا ولا تعكر ... اشرب امويه كى الناس وكول
وين لولين وهلك غير اذكر ... فنوا من لوجود وكل حى يزول
يا العقل لا تكـــدر ... انريدك تساعد والظروف تقدر
بلا قوم عمرك قوم لا تصدر ... هناك مالفراسه ما تجى ميمول
ولا تعابى الخايب إن جاء يزدَّر ... اللى من خلقنا خالقه مهبول
قدام العرب يقبى مغير يهدر ... ووين ما نظر حزاز يقبى غول
يا العقل قيسك فاضـــى ... كان يتبعونى راك قاعد قاضى
قابتينى تمن ارقاق غراضى ... على اكتوفنا حط الزمان احمول
واللى يديرها مولاى بيها راضى ... سواء فى زهاء والله نكاد وهول

يا العقل فيش تقول ... نشدتك القيتك كى اللى مشغول ... تيّار واخذك

من اجمل ما صورت بكامرا نقالي

الكلحة = قطرات الندى

الدنيا فارغة بالنسبة للمغرف من نحتي !

احدى اعز منحوتاتي

ريت ها البطوم لوكان ينسود

من روائع الشعر الشعبي الليبي

ياما العين تقول
للشاعر الليبي مراد البرعصي

ياما العين تقول عزيز نتركه وتحنث قبل الحول تنسى اقوالها
خلاص يهون وتنسى غلاه وتحسبه مدفون

وناخذ عللها نحسبه مضمون ويخطر علي غفله هذاك الزول

ويبقى شلايل دمع ها لعيون كي ما بخمدة ريح هطل نزول

علي بو ضفايف فوق هالضبون دوب السواد يخالطه بشعول

ورقيق شفاه وهن بلا مسحون حسك مغربيه هذبهن مشتول

مشاتير متكشخ ثمر مشحون منه الحب تقول حب سبول

ونا نلت منهن لوعة المكنون والزَارع الصابه من هضاك ينول

الصبر اولابي من طولة رجاي وقول يا غيابي

ياما عليهم بتت في مندابي وياما علي راسي خذيت ليول

نجازي بلوعه مابرد منشابي ويانالي عرق الرجا مقنول

قبلي الياس اعصره قبل احسابي فيهم وما نلنا جنا محصول

مايا عوينك بطول عذابي ولا تريد تربح مالشقا يا مول

الشعل القطاطي عالكتوف مهابي لولا الونس والطيب قلت صلول

وما حسبتني عندك الا بمنابي ولا يبدلك عني اشنا معلول

تبدلت لاتفني نعدك غابي وندمل علي صبري بلاك دمول

بلاه احملت ومن قول يانا والنحيب بطلت

يغلب الدمع نرد في ما قلت ماقلت لوقطير بالراحه ولو مهذول

يفلت علي وسع المواقب فلت متكيد بغيض ومنبعه منتول

علي ما جرالي فالزمان ونلت متكيد بحملي كاهلي مكبول

حتى ان كان بالخونه علينا ملت نشيلك بسابق لك عنا مشيول

امفيت الشقا مالصوب ماحصلت وهو زاد نورله عزيز الفول

غلاهم هنت ونسيتم ونسيوني بعد ما كنت

وإن جبدوا حذايا في علل غوننت بزين غيرهم نمعي بزين هذول

ونمثل علي ماضي ودوب فطنت علي ناس منه عاتيين كهول

وغالي علي الوطن به ولهنت ورفقة بنات الطوق وام رعول

وبوصف الطبيعه م القوي مكنت تمكين لين ما نوخذ ونا مغفول

مي وخاذ شي خضر الناس امنت خذوني بخضلااهم نكون جهول

وان كان هذا تفسيرك لما بينت خطيت بالمسامع لا تكون عجول

من جالا الا مدعى غلا رهدنت بناره ومن ياسه هديد حيول

ماصدقت انسيتم ونسيوني وياني رقت

وماتقول فيهم لا نهار علقت دمايه ولا هلها حماة الشول

اياما وهو مايل وشين الوقت كلنك غوال ان كان مانك غول

وماتقول فيهم شي بطول سبقت والزين قيسهم غفلوا عليه غفول

بينهم وبينك يا كريم طلقت يا من عليم بما خفي مجهول

وحبلي بحبلك في خفاي علقت ما ينقطع منك رجا ميصول

حتى ان كاني ماعمرني رقرقت ولا بغايتي نرثي فقيد رحول

راحل على الدنيا وفيك عشقت وباب رحمتك لا رد لو مقفول

علي قلب رايف قال نا انحرقت بفقد الغوالي مالزهها مغلول

تبات قنوعه تنسى غلاه وتتركه ميضوعه

في وقت سابق من غلا مليوعه وان زال دمعها داير عليه سيول

غالي إحجر والجرح دار هلوعه من قول اه والمشكى بقيت خجول

فيهن وعقلي زاد ناصب نوعه والعين زاد في ماجب غلاه تعول

بكاية مقابر كبدها مقطوعه رقيقة عزايم صبرها مقلول

قليلة مشاكي فوقها مردوعه صليبه وشالت ع الحمول حمول

شغلها الصاحب في هذيل دموعه ووجهه الطيب بالبكا مبلول

العابد الزاهد بالكريم ولوعه كنيب عنه فالبكا محمول

بكاه فقد غاليه ومي مبدوعه وعالفقد من قبله بكي الرسول

وحتى وكل حيه بالفنا متبوعه ويفنى العمر وكل حال يزول

بريت الأراضي ع الحنن فيجوعه هوال سود ما يقهر بعدهن هول

نهون غلاه وعندي عزام بهن نعيش بلاه

ويالعقل لا تبقى تذوح وراه قوي عزايمك باصبر يا مهبول

كيف مانسي عبد العزيز انساه وخلك ركوحي لا تكون ملول

الي وصفها توصيف وان زهاه بقلعة المرمر والشراب اشلول

بارم بها ويشل قال ضناه كما ورد متفتح فرح بطلول

والشمس اتواقد قال بيض عضاه ودوره مسافي قال مو مجدول

واشعل كتوفه فاتن كساه ووين ما قعد ما بان من مسبول

وديما علي طرف اللسان اسماه والفال بالسعد نطقه يجي معدول

والصبر والسلوان حن عطاه ربه ورونق ع الهدا مدلول

سحر من نوع آخر

سحرمن نوع آخر

توكلت على الله

بسم الله الرحمن الرحبم
والصلاة والسلام على اشرف الانبياء والمرسلين
سيدنا وحبيبنا محمد وعلى اله وصحبه اجمعين ومن اتبعهم بأحسان الى يوم الدين وما هم عنه غائبين ،
طبعاً بتاريخ اليوم الموافق السابع من مارس 2010كانت البداية على بركة الله ।