من الارشيف

مولاي يابنت .مراد

مولاي يا بنت مولاي

مولاي يا بنــــــــــــــت مولاي....او ياابركـــــــــت راعي التّليلــــــه

يارب صـــــدّف ادعــــــــــــاي....في ناس كانوا عزيـــــــــــــــــــله

جفوني او عابو امعــــــــــــاي...عطهم امصيبه ثقيـــــــــــــــــــــله

انعنهم كما قاطر النّـــــــــــاي....ما يمتله طول ليـــــــــــــــــــــــله

انعنهم كما غبـــــــــــــو ذرّاي..خجخج العون و المذرا طويــــــــله

انعنهم كما هدب بكّـــــــــــاي..امعا الدّمع طايح نصيـــــــــــــــــله

او يا كل جامع او صــــــــــــلاّي....او يا كل روضه فضيــــــــــــــــله

يارب قلاّلة هنـــــــــــــــــــاي...احصدهم احصاد النّجيـــــــــــــــله

ايناجيبها كل قـــــــــــــــــرّاي...و يطريبها عابر سبيــــــــــــــــــــله

انعنها نحجّارة امنـــــــــــــــاي...اتجي ادعوه من دون القبيـــــــــله

اتروسم ابّبـاع او شـــــــــرّاي... و انعنها اتخاطي العويــــــــــــــله

و انعنها كما لذع كــــــــــوّاي...علي كبد عين الهميــــــــــــــــــله

واللّي مالغلا قطّع رجــــــــاي..ربّي اتقطّع وصيـــــــــــــــــــــــــله

انعنهم طراطيش بين غادي او جاي ...كي قصلت احصاد...

فيها برم ذود خلاّها رمــــــــاد

-------------------------------------------مراد البرعصي

مشكل

كوكتيل

امهاجاه

وديانا اللي سماح ونجوعنا اللي حداهن
هن عز للضيف والجار ويحمن الخايف ان جاهن

مادمهم غير كداب واللا عدو كارهينه
هم كيف بو زيد ودياب سمح التنا جايبينه

نوصيك ياخاطر الليل ما تدوخ بين النزالي

وانشد علي نجع هلنا انعشوك والمير غالي

ناهلي زينين زينين فراسين ماهم معاره

ان كان حاربو مايدلو وان ميعدو هل ادباره

انتي هلك يا عين زينين وبيت الكرم بانينه
لاصنقرو في مواعيد ولا جارهم خاينينه

شراية اللي مرصع من السوق علين اسعاره
ومايضربوا غير عالراس واليا ميعدو هل ادباره

ما ينزلو غير م العلو مطارحين النزالي
فرسان ركابة الفلو ايعزوك يوم القتالي

اني هلي ورادة البير اللي قبل ما جاه والي
وهل البيوت الدناقير هلي نباهم عوالي

يا العـــــــقل لا تنفع ...

يا العـــــــقل لا تنفع ولانك خيره من حاش كل من يضحك حبيب اتديره
ولــــــــــــي مضــــــــــمونـــــــه صحبة اللــــــــــي يبين نظاف اسنونه
مرات تبقــــــى ضحكته مشنونه عطيب ناس من غـــادي عديم ضميره
خلي صحبته في زاويــــــــــه مركونه تبـــــــــاعد عليه وشوف واحد غيره
كريم ربنا يا ما خلــــــــــــق في كونه م اللـــــــــــــي اجواد وطيبين السيره
اهناك نـــــــــــــــــــاس غــــــــــلابه و اهناك نـــــاس ماهم للخبر طيابه
واهناك ناس حرفتهم فتن ونصابة بين الجمـــــــــــــاعة عندهم تخبيرة
يشــــــــيل العلل مقلوب يسهرابه ويضيفلة نميمة واجـــــــــدة وخطيرة
خله علي رب العباد حســــــــابة اليوم واسعـــــــــة لكن وراه حشيرة
*لا علــــــيك عبـــــــــــــــــــــايا و لا نريدلك خلـــــــــطة ولا سهرايا
من حاش للعرب ما درتشي صفايا نين كل حد تعرف مــــــــــدى تعييرة
اهناك نـــــوع فيهم خامته صدايه حتى لو جليت تسيرله تغبــــــــيره
وان طال مصلحة ما يدير فيك دمايه مفطوم ع الطمع عايش علي تقطيره
و اهناك نوع يسمو اجواد سمـــــايا كيف الذهـــــــــــب لا نقص لا تغييره
اهناك نــــــــــــــاس اجـــــــــــــــواد علثر طول المروه عزوم اشــــــــداد
علي غوشهم ضــــــيف الخلا نشاد يبات في هنا في بيت واجــــــــــــد خيره
وارثينها ع الاب والاجــــــــــــــداد قـــــــــــــــــــــولة تفضل ما عليها شيره
واهناك ناس من غادي وجوه نكاد علي كوب شــــــــــــــاهي عندهم تكشيرة
سبحــــــان من علم بامور هالعباد وكل حي كاتب ف الحيـــــــــــــــــــاه مصيرة
* ولا نـــــــــــــــريد ســـــــــــريبك ولا عد طريق تجـــــــــــــــــــــيبني و تجيبك
ما تفـــــــرز العدوان من صاحيبك طعمة الحنظل مـــــــــــــــــــوش كيف القيره
غزاني اليوم الشيب من تحسيبك وحلمك اللـــــــــــــــــي عاجز علي تفسيرة
لي 40 خريـــــــــف حامل عيبك تبــــــــاعد انعــــــــــــــدك من ارقود السيره

اقرأ: لماذا يكتب الأطباء بخط غير مفهوم عند تقديم وصفة الدواء؟

اقرأ: لماذا يكتب الأطباء بخط غير مفهوم عند تقديم وصفة الدواء؟